1 Petro 1:7 - BAIBLO ALOO NGMAMI KLƆUKLƆU Ɔ

⁷ A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Somi He Ɔ

⁷ konɛ a na nyɛ hemi kɛ yemi sami ɔ kaa e he jua wa babauu. Sika tsu po nɛ puɛɛ ɔ, a kaa ngɛ la mi; nɛ lɔ ɔ he ɔ nyɛ hemi kɛ yemi nɛ he jua wa pe sika tsu ɔ hu sa nɛ a ka lɛ konɛ e nyɛ nɛ e hi si. Lɛɛ, nyɛ nine maa su yi jemi kɛ hɛ mi nyami kɛ bu nɔ ngɛ Yesu Kristo kpo jemi ɔ mi,

1 Petro 1:7 ပူးပေါင်းရင်းမြစ်များ

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yesaya 48:10

I ngɔ amanehlu kɛ ka nyɛ kaa bɔ nɛ a tsuɔ sika hiɔ he ngɛ flɔɔnɔɔ mi; se i na kaa nyɛ he be se nami ko kulaa.

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

1 Korintobi 3:13

Se ligbi ɔ nɛ Kristo maa ba a, nɔ tsuaa nɔ ní nɛ e tsu ɔ maa je kpo paa. Ejakaa jamɛ a ligbi ɔ, a kɛ la ma je nɔ tsuaa nɔ ní tsumi kpo. La a maa tsɔɔ bɔ nɛ nɔ tsuaa nɔ ní tsumi ngɛ ha.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Mateo 25:23

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Yeremia 48:36

“Lɔ ɔ he ɔ, kaa bɔ nɛ a kpaa ya la mɔbɔmɔbɔ ngɛ bɛ mi ɔ, ja nɛ i ngɛ tsui yee ha Moab, kɛ Kir Heres ma mi bi ɔmɛ, ejakaa a ní nɛ a na a tsuo hɛ mi kpata.

Fiɛlɔ 5:14

Tlukaa a, matahu ba poɔ mɛ, nɛ sika a tsuo hɛ mi kpataa. Kɛkɛ ɔ, nɔ́ ko pa píɛ nɛ a ma si ha a bimɛ.

Abɛ Womi 16:16

Ke o le ní ɔ, e hi hluu pe sika tsu; juɛmi hi pe sika hiɔ.

Abɛ Womi 8:19

Nɔ́ nɛ o ma na kɛ je ye dɛ mi ɔ, e hi pe sika tsu ngmingmiingmi; e hi pe sika hiɔ ngmingmiingmi hulɔ.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Petro 2:7

Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

Luka 17:30

Ligbi ɔ nɛ Nɔmlɔ Bi ɔ hu maa ba kɛ e hɛ mi nyami ɔ, níhi maa ba mi kikɛ nɛ ɔ nɔuu.

Romabi 2:10

Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

Mose IV, 5:28

Se ke yo ɔ ya ble we e he, nɛ e he tsɔ ɔ, lɛɛ e maa ye e he, nɛ e ma nyɛ ma fɔ bimɛ.

Hiob 28:1

Niinɛ, muɔhi ngɛ nɛ a tsuaa sika hiɔ ngɛ a mi. Sika tsu he tsumi hehi hu ngɛ.