1 Petro 1:5 - BAIBLO ALOO NGMAMI KLƆUKLƆU Ɔ

⁵ Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Somi He Ɔ

⁵ nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

1 Petro 1:5 ပူးပေါင်းရင်းမြစ်များ

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

Efesobi 2:8

Mawu dloomi nya nɛ a he nyɛ yi wami akɛnɛ nyɛ he ye ɔ. Pi dengme ko nɛ nyɛ nitsɛmɛ nyɛ gbo he je; e ji nɔ́ nɛ Mawu ke nyɛ, bɔ nɛ pee nɛ nɔ ko nɔ ko ko fĩa.

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Yohane 17:15

I kpa we pɛɛ ke o je mɛ kɛ je je ɔ mi; se mohu i ngɛ pɛɛ kpae nɛ o bu a he kɛ je nɔ yayami ɔ dɛ mi.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Abɛ Womi 2:8

Yawɛ buu dami sane yeli a he, nɛ e baa e ni klɔuklɔu ɔmɛ a yi.

Yesaya 66:22

“Bɔ nɛ zugba he, kɛ hiɔwe he nɛ ma pee ɔ maa hi si daa ngɛ ye he wami nya a, ja nyɛ nina, kɛ nyɛ biɛ tsuo maa hi si.

Yeremia 23:4

Ma je nɔ yeli kpakpahi ha mɛ nɛ a hyɛ a nɔ. A be gbeye yee hu; sawale be mɛ nue hu, nɛ i be a tue gblae hu. Imi, Yawɛ lɛ i de.”

Romabi 8:18

I le anɔkuale mi kaa nɔ́ nɛ wa ngɛ nae amlɔ nɛ ɔ pi nɔ́ ko kulaa nɛ a kɛ maa to wa hɛ mi nyami nɛ Mawu maa wo hwɔɔ se ɔ he.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.