1 Petro 1:20 - BAIBLO ALOO NGMAMI KLƆUKLƆU Ɔ

²⁰ Mawu hla lɛ momo loko a to je ɔ sisi, nɛ a je lɛ kpo ngɛ nyagbe be nɛ ɔmɛ a mi ngɛ nyɛ he.

Somi He Ɔ

²⁰ A hla lɛ momo sa loko a to je ɔ sisi, se e a je lɛ kpo ngɛ be ɔmɛ a nyagbe mi ngɛ nyɛ he.

1 Petro 1:20 ပူးပေါင်းရင်းမြစ်များ

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Kolosebi 1:26

Sane kpakpa nɛ ɔ ji laami sane nɛ Mawu ngɔ laa yi nɔhi kɛ je blema lokoo, nɛ amlɔ nɛ ɔ lɛɛ e je ngɔ tsɔɔ e ni klɔuklɔu ɔmɛ.

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.

Efesobi 3:9

Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

1 Yohane 1:2

Benɛ wami ɔ jé e he kpo ɔ, wa na lɛ. Enɛ ɔ he ɔ, wa ngɛ odase yee, nɛ wa ngɛ jajee ke lɛ ji neneene wami ɔ nɛ. E kɛ Tsɛ ɔ lɛ ngɛ, nɛ e jé e he kpo ngɔ tsɔɔ wɔ.

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Abɛ Womi 8:23

Blema lokoo, benɛ a na we nɛ a bɔ je ɔ, imi lɛ a bɔ kekleekle.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.