1 Petro 1:18 - BAIBLO ALOO NGMAMI KLƆUKLƆU Ɔ

¹⁸ Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

Somi He Ɔ

¹⁸ Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

1 Petro 1:18 ပူးပေါင်းရင်းမြစ်များ

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 52:3

Bɔ nɛ Yawɛ ngɛ e ma a dee ji nɛ ɔ nɛ: “Tsa pi sika nɛ a kɛ he nyɛ kɛ pee nyɛ nyɔguɛ, lɔ ɔ he ɔ, a kɛ sika be nyɛ kpɔe.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Ezekiel 20:18

Se i bɔ a bimɛ ɔmɛ kɔkɔ mohu ke, mlaahi nɛ nyɛ nɛmɛ ɔmɛ wo ɔ, nyɛ ko ye a nɔ, nɛ nyɛ ko ngɔ a we amaga amɛ kɛ ble nyɛ he.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Marko 8:37

Nɔ́ ko be nɛ nɔmlɔ ma ha kɛ kpɔ e wami.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

1 Korintobi 3:20

Ngmami ɔ kpa hu ke, “Nyɔmtsɛ ɔ le kaa ní leli a yi mi tomi peeɔ yaka.”

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

1 Korintobi 7:23

Kristo hé nyɛ kɛ jua wawɛ; nyɛ ko pee nyɛ he nimli a nyɔguɛhi.

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.