1 Petro 1:17 - BAIBLO ALOO NGMAMI KLƆUKLƆU Ɔ

¹⁷ Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.

Somi He Ɔ

¹⁷ Nɛ ke nyɛ tsɛɔ nɔ nɛ hyɛ we nihi a hɛ mi se e kojoɔ ngɛ nɔ tsuaa nɔ ni tsumi nya a ke nyɛ tsɛ ɔ, nyɛɛ kɛ gbeye yemi nɛ ba nyɛ je mi ngɛ nyɛ wami be nɛ piɛ nɛ ɔ mi.

1 Petro 1:17 ပူးပေါင်းရင်းမြစ်များ

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Kolosebi 3:25

Nɔ tsuaa nɔ nɛ peeɔ nɔ́ nɛ dɛ ɔ ma na e yayami ɔ he hiɔwo, ejakaa Mawu hyɛ we nɔ hɛ mi.

Efesobi 6:9

Nyɔmtsɛmɛ, nyɛɛ kɛ nyɛ nyɔguɛ ɔmɛ nɛ hi si ja nɔuu kɛ̃ nɛ nyɛɛ jɔɔ a susuma he gbeye womi. Nyɛ kai kaa nyɛɛ kɛ nyɛ nyɔguɛ ɔmɛ tsuo ɔ, Nyɔmtsɛ kake lɛ nyɛ ngɛ ngɛ hiɔwe, nɛ e hyɛ we nɔ hɛ mi.

Efesobi 3:14

Enɛ ɔ he i kplaa si ngɛ Tsɛ ɔ hɛ mi.

Abɛ Womi 28:14

A gbaa nɔ nɛ yeɔ Yawɛ gbeye daa. Se nɔmlɔ nɛ tue wa a, lɛɛ haomi maa ba e nɔ.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.

2 Korintobi 5:6

Enɛ ɔ he ɔ, wa nɔ gbagba teɔ. Ejakaa wa le kaa be abɔ nɛ wa ngɛ je nɛ ɔ mi nɔmlɔ tso ɔ mi kɛ mwɔɔ ɔ, waa kɛ Nyɔmtsɛ ɔ he kɛ.

2 Korintobi 1:2

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ.

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Abɛ Womi 14:16

Ní lelɔ yeɔ sane gbeye; e hyɛɛ e he nɔ saminya nɛ e ko pee yayami. Kuasia lɛɛ e heɔ e he yeɔ, nɛ e peeɔ e níhi basabasa.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

Mose I, 47:9

Yakob he nɔ ke, “I ye jeha lafa kɛ nyingmi etɛ. Ye nɛmɛ ɔmɛ lɛɛ slo mɛ; mɛɛ lɛɛ a se kɛ ngɛ je mi.”

2 Korintobi 7:11

Nɛ́ e pee nyɛ kaa nyɛ hao ɔ, nyɛɛ hyɛ nɔ́ nɛ je mi kɛ ba! Nyɛ nɔ gbagba te, nɛ nyɛ suɔ kaa nyɛ maa tsɔɔ kaa nyɛ pee we yayami ko. Nɔ́ nɛ ba a dɔ nyɛ, nɛ nyɛ ye gbeye kaa nɔ́ ko pa ngɛ se kɛ ma. E pee nyɛ kaa nyɛɛ na mi, konɛ nyɛ fa ye he, nɛ nyɛɛ gbla yayami peelɔ ɔ tue. Ngɛ blɔ tsuaa blɔ nɔ ɔ, nyɛ tsɔɔ kaa sane nɛ ba a, nyɛ li he nɔ́ ko.

La 89:26

E ma tsɛ mi ke, ‘Tsaatsɛ, ye Mawu, ye he bulɔ, kɛ ye yi wami helɔ.’

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.