1 Petro 1:1 - BAIBLO ALOO NGMAMI KLƆUKLƆU Ɔ

¹ Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.

Somi He Ɔ

¹ Petro nɛ ji Yesu Kristo bɔfo ɔ, ngma ya ha nibwɔhi nɛ gbɛ fia Ponto, Kapodokia, Asia kɛ Bitinia a.

1 Petro 1:1 ပူးပေါင်းရင်းမြစ်များ

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

Efesobi 2:19

Lɔ ɔ he ɔ, nyɛ ma je li, jehanɛ ɔ nyɛ pi nibwɔhi, loo ma se bi hu, se mohu nyɛɛ kɛ ni klɔuklɔu ɔmɛ tsuo peeɔ ma mi bi, kɛ Mawu we bi.

La 44:11

O ngɔ wɔ ngɔ ha kaa tohi nɛ a yaa gbe. O gbɛ wɔ ngɔ fĩa je ma amɛ a mi.

Ni Tsumi 8:4

Nihi nɛ gbɛ fĩa a ya kpa si nɛ a fiɛ sane kpakpa a.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Ester 3:8

Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

2 Korintobi 1:8

Nyɛmimɛ, amanehlu nɛ wa na ngɛ Asia a, wa sume kaa wa maa laa nyɛ nɔ́ ko. Wa na nɔ́ tsɔ pe bɔ nɛ wa ma nyɛ, nɛ wa hɛ be nɔ kaa wa maa hi je mi tete.

Ni Tsumi 18:2

E ya na Yuda no ko nɛ a tsɛɛ lɛ Akuila ngɛ lejɛ ɔ. A fɔ Akuila ngɛ Ponto. Nyumu nɛ ɔ, kɛ e yo Priskila je Italia kɛ ba we; ejakaa Kaisare Klaudio fa Yuda bi ɔmɛ tsuo ke a je Roma. Paulo ya a ngɔ,

Ezekiel 6:8

“Se kɛ̃ ɔ, ma ha ni komɛ maa piɛ. Nihi nɛ maa tu fo kɛ je gbenɔ nya a,

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

2 Timoteo 1:15

Kaa bɔ nɛ o le ɔ, nihi nɛ ngɛ Asia a tsuo kpa ngɛ ye se; a ti ni komɛ ji Figelo kɛ Hermogene.

1 Korintobi 16:19

Asafo ɔmɛ nɛ a ngɛ Asia a ke a biɔ nyɛ. Akuila, kɛ Priskila, kɛ asafo ɔ nɛ kpee ngɛ a we ɔ mi ɔ ke a biɔ nyɛ saminya ngɛ Nyɔmtsɛ ɔ biɛ mi.

Ni Tsumi 19:10

Nɔ́ nɛ ɔ ya nɔ jeha enyɔ sɔuu, nɛ Yuda bi, kɛ ma je li tsuo nɛ a ngɛ Asia a nu Nyɔmtsɛ ɔ munyu ɔ.

Ni Tsumi 18:23

E hi lejɛ ɔ be bɔɔ ko; lɔ ɔ se ɔ, e pue nɔ ekohu, nɛ e ya kpa Galatia, kɛ Frigia ní ɔmɛ a mi, nɛ e wo nihi nɛ he ye ɔ tsuo he wami.

Ni Tsumi 6:9

Kɛkɛ nɛ Kirene kɛ Aleksandria bi komɛ nɛ je kpe he nɛ a tsɛɛ “Nihi nɛ ye a he” ɔ te si wo Stefano. Yuda bi komɛ hu nɛ je Kilikia, kɛ Asia a, ba piɛ nimli nɛ ɔmɛ a he, nɛ a kɛ lɛ sã nya.

Yohane 7:35

Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Mateo 4:18

Benɛ Yesu ngɛ si kpae ngɛ Galilea wo ɔ nya a, e na nyɛmimɛ hɛli enyɔ nɛ a ngɛ ya fɔe ngɛ wo ɔ mi. Mɛ ji Simon, nɛ a tsɛɛ lɛ Petro hulɔ ɔ, kɛ Andrea.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Mose V, 32:26

Jinɛ i ko kpata mɛ tsuo a hɛ mi pɛsɛpɛsɛ, nɛ nɔ ko nɔ ko be mɛ kaie hu.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?