1 Korintobi 9:5 - BAIBLO ALOO NGMAMI KLƆUKLƆU Ɔ

⁵ Ke wa yaa he ko ɔ, anɛ wa be he blɔ kaa wa yihi nɛ le Kristo ɔ, waa kɛ mɛ nyɛɛɔ kaa bɔ nɛ bɔfo kpa amɛ, kɛ Nyɔmtsɛ ɔ nyɛminyumu ɔmɛ, kɛ Petro peeɔ ɔ lo?

Somi He Ɔ

⁵ Anɛ wa be he blɔ kaa waa kɛ nyɛmi yo nɛ ji wa yo nvɛɛ kaa bɔfo kpa amɛ hu kɛ Nyɔmtsɛ ɔ nyɛmimɛ ɔmɛ kɛ Kefa?

1 Korintobi 9:5 ပူးပေါင်းရင်းမြစ်များ

Lahi 4:12

Ye nyɛmiyo, ye we ayɛflo nɛ i suɔ mo saminya, o ngɛ kaa abɔɔ nɛ a ngmɛ nya; o ngɛ kaa nyu vu nɛ a sɔu nya.

Mateo 13:55

Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Mateo 8:14

Benɛ Yesu ba Petro we ɔ mi ɔ, e na Petro nganyɛ nɛ hwɔɔ si kɛ asla.

Marko 1:30

Simon nganyɛ fɔɔ si kɛ aslã; lɔ ɔ he ɔ, benɛ Yesu su lejɛ ɔ pɛ nɛ a de lɛ.

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 6:15

Mateo kɛ Toma, Alfeo bi Yakobo, kɛ Simon, (nɔ nɛ a tsɛɛ ma he doolɔ ɔ);

Luka 8:20

Kɛkɛ nɛ nɔ ko de lɛ ke, “O nyɛ, kɛ o nyɛmimɛ ɔmɛ daa si ngɛ kpo ɔ nɔ, nɛ a ngɛ hlae nɛ a na mo.”

Yohane 1:42

Kɛkɛ nɛ e ngɔ Simon kɛ ya Yesu ngɔ. Yesu hyɛ Simon too, nɛ e de lɛ ke, “Tse mo ji Yohane bi Simon ɔ. Jehanɛ lɛɛ a ma tsɛ mo Kefa.” (E sisi ji Petro, loo tɛ sa.)

Yohane 2:12

Lɔ ɔ se ɔ, Yesu kɛ e nyɛ, kɛ e nyɛmimɛ ɔmɛ, kɛ e kaseli ɔmɛ pue nɔ kɛ ho Kapernaum ya, nɛ a ya hi lejɛ ɔ be bɔɔ.

Ni Tsumi 1:14

A kɛ yi ɔmɛ, kɛ Yesu nyɛ Maria, kɛ Yesu nyɛminyumu ɔmɛ pɔɔ a he nya buami kɛ ha sɔlemi.

Romabi 16:1

Wa nyɛmiyo Foibe nɛ sɔmɔɔ ngɛ Kenkrea asafo ɔ mi ɔ, ma suɔ nɛ ma wo e ta kɛ je e yi.

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 7:15

Se ke nyumu nɛ li Kristo ɔ suɔ kaa e maa ngmɛɛ e yo nɛ le Kristo ɔ he, aloo yo nɛ li Kristo ɔ suɔ kaa e ma kua e huno nɛ le Kristo ɔ, lɔ ɔ lɛɛ faa. Ke e ba mi jã a, mlaa ko mlaa ko nui nɔ nɛ le Kristo ɔ, nyumu ɔ jio, yo ɔ jio. Mawu tsɛ nyɛ nɛ nyɛɛ hi si ngɛ he jɔmi mi.

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

1 Korintobi 7:7

Jinɛ i ko suɔ kaa nihi tsuo nɛ a hi kaa bɔ nɛ i ngɛ nɛ ɔ. Se nyɛ ti nɔ tsuaa nɔ ngɛ nike ní pɔtɛɛ nɛ Mawu ha lɛ; slo nɔ kake nɔ́ ngɛ nɔ kpa nɔ́ he.

1 Korintobi 7:8

Jehanɛ, nyɛ nyumu kuyo ɔmɛ, kɛ yalɔyi ɔmɛ ɔ, i ngɛ dee ke e maa hi ha nyɛ ke nyɛ maa ya nɔ maa hi si kikɛ nɛ ɔ kaa bɔ nɛ imi hu i ngɛ ɔ.

Galatabi 1:19

Bɔfo kpa amɛ lɛɛ i nɛ a ti nɔ ko nɔ ko, pe Nyɔmtsɛ ɔ nyɛmi Yakobo pɛ.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

1 Timoteo 5:2

Yi nikɔtɔma amɛ ɔ, o kɛ mɛ nɛ hi si kaa mo nitsɛ o nyɛmɛ, nɛ o kɛ yihewi ɔmɛ nɛ hi si kaa o nyɛmiyihi; se hyɛ nɛ yakayaka fiɛmi kó ba je mi.

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.