1 Korintobi 9:27 - BAIBLO ALOO NGMAMI KLƆUKLƆU Ɔ

²⁷ Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Somi He Ɔ

²⁷ se mohu i gbaa imi nitsɛ ye nɔmlɔ tso ɔ mahi nɛ i yeɔ lɛ nyɔguɛ, konɛ imi nɛ i fiɛɛ ngɔ tsɔɔ ni kpahi ɔ, imi nitsɛ lɛɛ a ko sake mi ngɔ fɔ he.

1 Korintobi 9:27 ပူးပေါင်းရင်းမြစ်များ

La 50:16

Se yayami peelɔ ɔ, bɔ nɛ Mawu ngɛ lɛ dee ji, “Mɛnɔ ha mo he blɔ ke o kane ye mlaa amɛ blɛblɛɛblɛ, loo o tu ye somi ɔ he munyu?

Mose II, 37:22

Kpɔ ɔmɛ, tso gblaa amɛ, kɛ kpɛti kane tso ɔ tsuo tsa; a ngɔ sika tsu ngmingmiingmi nɛ a si nɔ tɛtlɛɛ kɛ pee lɛ tsuo.

Yeremia 6:30

A ma tsɛ mɛ ke dade fi, ejakaa imi Yawɛ, i kua mɛ.”

Luka 18:5

se akɛnɛ yalɔyo nɛ ɔ ngɛ ye nya dooe he je ɔ, ma hyɛ nɛ a ye dami sane ha lɛ. Ke i pee we ja a, e maa hi ye ngɔ bae kpamisa, nɛ e be hae nɛ ma na tue mi jɔmi.’ ”

Luka 9:25

Mɛni se nɔmlɔ ma na, ke e nine su je ɔ tsuo nɔ, nɛ lɛ nitsɛ e hɛ mi kpata a?

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Romabi 8:13

Ejakaa ke nyɛ peeɔ he lo nya níhi ɔ, nyɛ ma gbo; se ke Mawu mumi ɔ ha nyɛ kpa níhi nɛ nɔmlɔ tso ɔ suɔ ɔ tsumi ɔ, nyɛ yi ma na wami.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

1 Korintobi 9:25

Nihi nɛ kaa a kpɔhi a mi ɔ, a hɛ mi kaa si be tsuaa be, bɔ nɛ pee nɛ a ná jlasi nɛ puɛɔ. Se wɔɔ lɛɛ wa peeɔ jã, konɛ wa nine nɛ su jlasi nɛ puɛ we gblegbleegble ɔ nɔ.

2 Korintobi 11:27

I gbo dengme kɛ tsu ní wawɛɛ nɛ be komɛ mahe hwɔmi be mi. Hwɔ kɛ kuma yeɔ mi; be komɛ po i haa hwɔ; fĩɛ yeɔ mi, nɛ he hami nɔ́ hiaa mi.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;