1 Korintobi 9:24 - BAIBLO ALOO NGMAMI KLƆUKLƆU Ɔ

²⁴ Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

Somi He Ɔ

²⁴ Anɛ nyɛ li kaa ninɛmɛ nɛ tuu fo ɔ, mɛ kulaa a tuu mohu se nɔ kake kɛkɛ nɛ naa ayekoo ni ɔ lo? Nyɛɛ tu fo ɔ ja konɛ nyɛ nine nɛ su nɔ.

1 Korintobi 9:24 ပူးပေါင်းရင်းမြစ်များ

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

1 Korintobi 9:26

Lɔ ɔ he ɔ, fo nɛ i ngɛ tue nɛ ɔ, i ngɛ tue tɛɛ kɛ yaa nyagbe; kunɔ nɛ i ngɛ nɔe ɔ, i nɔɛ kaa nɔ ko nɛ ngɛ kɔɔhiɔ gbee.

Galatabi 5:7

Jinɛ nyɛ ngɛ nyɛ he mɔde bɔe saminya. Se mɛnɔ po lɛ ba puɛ nyɛ tue nɛ nyɛ he we anɔkuale ɔ yi hu ɔ?

Yeremia 12:5

Yawɛ de mi ke, “Yeremia, ke o kɛ nɔmlɔ adesa ka fo nɛ o nyɛ we lɛ ɔ, kɛ o maa pee kɛɛ nɛ o kɛ okpɔngɔ maa ka fo? Ke o ngɛ si tɛe nɛ o ngɛ si nɔe ngɛ zugba kpakpa nɔ ɔ, Yordan hue ɔ mi lɛɛ kɛ o maa pee kɛɛ?

Galatabi 2:2

Mawu lɛ je tsɔɔ mi kaa ma ya Yerusalem, nɛ i ya. I kɛ nihi nɛ a buu mɛ ɔ kɔklɔɔ ya kpe, nɛ sɛ gbi nɛ i ngɛ fiɛe ha ma je li ɔmɛ ɔ, i tsɔɔ mɛ nya, bɔ nɛ pee nɛ ní tsumi nɛ i tsu kɛ sɛ hlami, kɛ nɔ́ nɛ i ngɛ tsue amlɔ nɛ ɔ pee yaka.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

La 19:5

Ke pu gba hleii saminyayoo kɛ ma kikɛ nɛ ɔ, e ngɛ kaa ayɛflo huno nɛ je kpo ngɛ tsu mi kɛ ma, aloo fo tulɔ kpanaa nɛ yaa tu fo kɛ bua jɔmi.

Hosea 12:10

“Imi lɛ i kɛ gbali ɔmɛ tu munyu. Imi nɛ i je ninahi ha mɛ, nɛ i gu gbali ɔmɛ a nɔ nɛ i kɛ ye ma a tu munyu ngɛ abɛ gbi mi.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

1 Korintobi 9:13

I heɔ yeɔ kaa nyɛ le kaa nihi nɛ tsuɔ ní ngɛ sɔlemi we ɔ, sɔlemi we ɔ a naa a nya mi ngma kɛ jeɔ. Ni nɛmɛ nɛ a ní tsumi ji kaa a sã bɔ ngɛ bɔ sami la tɛ ɔ nɔ ɔ, mɛ hu níhi nɛ a kɛ ba sã bɔ ɔ eko a yeɔ.

1 Korintobi 9:23

I peeɔ enɛ ɔmɛ tsuo, konɛ ma kɛ ha nɛ Yesu he sane kpakpa a nɛ gbɛ fĩa. Kɛkɛ ɔ, ní kpakpahi nɛ maa je sɛ gbi ɔ mi kɛ ba a, imi hu ma na eko.

Filipibi 3:12

I de we ke ye nine su jlasi ɔ nɔ momo, loo i hi kɛ pi si. Se mohu, i ngɛ mɔde bɔe kaa ye nine maa su nɔ, ejakaa enɛ ɔ he nɛ Kristo Yesu ngɔ mi kɛ pee e nɔ́ ɔ nɛ.