1 Korintobi 9:23 - BAIBLO ALOO NGMAMI KLƆUKLƆU Ɔ

²³ I peeɔ enɛ ɔmɛ tsuo, konɛ ma kɛ ha nɛ Yesu he sane kpakpa a nɛ gbɛ fĩa. Kɛkɛ ɔ, ní kpakpahi nɛ maa je sɛ gbi ɔ mi kɛ ba a, imi hu ma na eko.

Somi He Ɔ

²³ Sane Kpakpa a he nɛ i peɔ enɛ ɔmɛ kulaa ngɛ, benɛ pee nɛ imi hu ma na e mi ni ɔmɛ eko.

1 Korintobi 9:23 ပူးပေါင်းရင်းမြစ်များ

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

Marko 8:35

Ejakaa nɔ tsuaa nɔ nɛ suɔ kaa e maa baa e klaa yi ɔ, e maa laa lɛ; se nɔ nɛ laa e klaa ngɛ imi, kɛ sane kpakpa a he ɔ, e ma he e yi wami.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Galatabi 2:5

Akɛnɛ wa suɔ kaa nyɛ nine nɛ su anɔkuale ɔ tsuo nɛ ngɛ sane kpakpa a mi ɔ nɔ sisiisi he je ɔ, wa ngɔɛ a munyu ɔ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

2 Timoteo 2:6

Ngmɔ hulɔ nɛ gboɔ dengme kɛ tsuɔ ní ɔ, lɛ kekle e yeɔ ngmɔ niba ní ɔ eko.

2 Korintobi 2:4

Benɛ i ngɛ nyɛ womi ɔ ngmae ɔ, he hiami sɔuu ha nɛ ye tsui kpa miɔ nɛ e ma tsɔ, nɛ kikɛ nɛ ɔ vo nyu ngɛ ye hɛngmɛ mi jee kɛ ngɛ si puee. Pi ye yi mi tomi ji kaa ma ha nɛ nyɛɛ ye kɔmɔ, se mohu bɔ nɛ pee nɛ nyɛɛ na bɔ nɛ i suɔ nyɛ ha.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

Romabi 11:17

Oliv tso nɛ a je blɔ du ɔ, ke a kplɔ e kɔni ɔmɛ ekomɛ, nɛ a ya ngɔ mo oliv tso nɛ mo nitsɛ lo puɛ ngɛ nga mi ba ta tso ɔ he, nɛ o naa oliv tso sipoku ɔ mi niye ní ɔ eko ɔ,

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.