1 Korintobi 9:22 - BAIBLO ALOO NGMAMI KLƆUKLƆU Ɔ

²² Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

Somi He Ɔ

²² I plɛ kaa nɔ nɛ gbɔjɔ ha gbɔjɔli ɔmɛ benɛ pee nɛ ye nine nɛ su gbɔjɔli ɔmɛ a nɔ. I plɛ ye he nɔ́ tsuaa nɔ́ ngɔ ha nihi kulaa konɛ bɔ tsuaa bɔ nɛ pee ɔ ma kɛ he ni komɛ a yi wami.

1 Korintobi 9:22 ပူးပေါင်းရင်းမြစ်များ

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 9:19

I ngɛ ye dɛ he; pi nɔ ko nyɔguɛ ji mi. Se kɛ̃ ɔ, i pee ye he nihi tsuo a nyɔguɛ, bɔ nɛ pee nɛ ye nine nɛ su nihi babauu a nɔ.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

1 Korintobi 7:16

Mo yo nɛ o le Kristo, kɛ o maa pee kɛ le kaa alini mo lɛ o ma he o huno ɔ yi wami? Mo nyumu nɛ o le Kristo, kɛ o maa pee kɛ le kaa alini mo lɛ o ma he o yo ɔ yi wami?

2 Korintobi 11:29

Ke nɔ ko mumi gbo, kɛkɛ imi hu ye nɔ́ ɔ gbo; ke nɔ ko nane kpata, kɛkɛ ye mi mi sã mi ha lɛ.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Romabi 14:2

Nɔ nɛ heɔ yeɔ ɔ, e yeɔ nɔ́ tsuaa nɔ́; se nɔ nɛ hemi kɛ yemi mi wɛ ɔ, lɛɛ pui pɛ e yeɔ.

Romabi 15:2

Mohu ɔ, wa ti nɔ tsuaa nɔ nɛ pee nɔ́ nɛ hi nɛ maa sa e nyɛmi hɛ mi, konɛ e nyɛmi ɔ nɛ na hemi kɛ yemi nɛ pi si.

1 Korintobi 9:23

I peeɔ enɛ ɔmɛ tsuo, konɛ ma kɛ ha nɛ Yesu he sane kpakpa a nɛ gbɛ fĩa. Kɛkɛ ɔ, ní kpakpahi nɛ maa je sɛ gbi ɔ mi kɛ ba a, imi hu ma na eko.