1 Korintobi 9:21 - BAIBLO ALOO NGMAMI KLƆUKLƆU Ɔ

²¹ Jã kɛ̃ ngɛ ma je li a kpɛti ɔ, i peeɔ ye ní kaa ma je no, nɛ i yi Yuda mlaa a nɔ. I peeɔ enɛ ɔ, bɔ nɛ pee nɛ ye nine nɛ su ma je li ɔmɛ a nɔ. Se enɛ ɔ tsɔɔ we kaa i kɛ Mawu mlaa a be nɔ́ ko peemi. Dɛbi! Kristo mlaa a nɔ i yeɔ.

Somi He Ɔ

²¹ I plɛ kaa nɔ ko nɛ be mlaa ngɔ ha ninɛmɛ nɛ be mlaa a, pohu i pi nɔ ko nɛ be Mawu mlaa; se mohu i ngɛ Kristo mlaa sisi, benɛ pee nɛ ye nine nɛ su ninɛmɛ nɛ be mlaa amɛ a nɔ.

1 Korintobi 9:21 ပူးပေါင်းရင်းမြစ်များ

Romabi 2:12

Nihi abɔ nɛ mlaa a kpakaa we mɛ, nɛ a peeɔ yayami ɔ, a hɛ mi kpataa kaa nihi nɛ mlaa a kpakaa we mɛ; nɛ nihi abɔ nɛ guu mlaa a nɔ peeɔ yayami ɔ, mlaa a nɔuu nɔ a daa kɛ kojoɔ mɛ.

Galatabi 3:2

Nyɛ ha ma bi nyɛ nɔ́ kake. Mlaa a nɔ nɛ nyɛ ye, aloo sane kpakpa a nɛ nyɛ nu nɛ nyɛ he ye ɔ nɛ ha nyɛ na Mumi Klɔuklɔu ɔ?

Romabi 2:14

Ke ma je li ɔmɛ nɛ yi Mose mlaa a nɔ ngɛ a fɔmi su ɔ nya a tsuɔ mlaa a nya ní ɔ, a peeɔ mlaa ha mɛ nitsɛmɛ a he; pohu mlaa ko yi a nɔ.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.

Romabi 7:25

Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ! Ke ma po lɛ kpiti ɔ, bɔ nɛ i ngɛ ji nɛ ɔ nɛ: i kɛ ye juɛmi pɛ lɛ sɔmɔɔ ngɛ Mawu mlaa a nya, se ye he lo ɔ lɛɛ mlaa a nɛ haa nɔ peeɔ yayami ɔ lɛ yeɔ e nɔ.

Romabi 7:22

Ngɛ ye tsui mi ɔ, i suɔ Mawu mlaa a saminya.

Ni Tsumi 21:25

Ma je li nɛ ba he ye ɔ, mɛɛ lɛɛ wa ngma mɛ womi ke wa ma nya si kaa a ko ye wɔ nya ní, a ko ye lo nɛ muɔ ngɛ mi kɛ mwɔɔ, nɛ a ko ye lohwe nɛ a kika e kuɛ hulɔ. Jehanɛ hu, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi.”

Ni Tsumi 16:4

Benɛ a ngɛ ma amɛ a nɔ kpae ɔ, mlaahi nɛ bɔfo ɔmɛ, kɛ asafo nikɔtɔma amɛ wo ngɛ Yerusalem ɔ, a tsɔɔ mɛ, konɛ a ye nɔ.

La 119:32

Ma ye o mlaa amɛ a nɔ kɛ gɛjɛmi; ejakaa o ha nɛ i nu mlaa amɛ a sisi saminya.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Ni Tsumi 15:28

E sa Mumi Klɔuklɔu ɔ hɛ mi, nɛ wɔ hu wa kplɛɛ nɔ kaa wa ko ngɔ tlomi ko kɛ fɔ nyɛ nɔ hu, kaa ja níhi nɛ he hia nɛ ɔ mɛ nɔuu.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.