1 Korintobi 9:18 - BAIBLO ALOO NGMAMI KLƆUKLƆU Ɔ

¹⁸ Lɛɛ mɛni hiɔwo sa mi mɔ? Hiɔwo ɔ kɛkɛ ji he blɔ nɛ i na kaa ma fiɛ sane kpakpa a yaka nɛ i he we nɔ́ ko. Jehanɛ hu, he blɔ nɛ i ngɛ kaa ma hyɛ nɔ́ ko blɔ kɛ je nyɛ dɛ mi ngɛ sane kpakpa a nɛ i ngɛ fiɛe ɔ he ɔ, i kɛ jamɛ a he blɔ ɔ tsu we ní.

Somi He Ɔ

¹⁸ Jehanɛ mɛni ji ye hiɔwo mɔ? Lɔ ɔ ji kaa ke i ngɛ sane kpakpa a jajee ɔ, ma jaje lɛ yaka, nɛ i he we nɔ ko ngɛ Kristo Sane Kpakpa a he, benɛ pee nɛ ma ko pee ye he blɔ nɛ i ngɛ ngɛ Sane Kpakpa a fiɛmi mi ɔ he nɔ ko tsɔ ko.

1 Korintobi 9:18 ပူးပေါင်းရင်းမြစ်များ

Yohane 4:36

Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

Ni Tsumi 18:3

nɛ e kɛ mɛ ya hi si kɛ tsu ní; ejakaa bo tsu peemi ji a ní tsumi.

Romabi 14:15

Ke o ye niye ní ko, nɛ lɔ ɔ kɛ haomi ba o nyɛmi nɔ ɔ, lɛɛ o sume o nyɛmi ɔ. Ko ha ní nɛ o maa ye ɔ nɛ kpata o nyɛmi nɛ Kristo gbo ngɛ e he ɔ hɛ mi.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 3:8

Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

1 Korintobi 9:15

He blɔ nɛ ɔmɛ ngɛ mohu, se imi lɛɛ i bi we nyɛ nɔ́ ko hyɛ. Womi nɛ i ngɛ nyɛ ngmae nɛ ɔ hu, pi ye juɛmi ji kaa ma kɛ kai nyɛ kaa jehanɛ e sa kaa nyɛ bɔni mi nɔ́ hami. Afani nɛ ma gbo mohu, pe nɛ ma pee nɔ́ ko kaa kikɛ nɛ ɔ, nɛ́ nɔ́ nɛ nɔ nɛ ma da kɛ fĩa a ba bɔ mi!

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

1 Tesalonikabi 2:6

Wa bɛ, konɛ nimli ba wo wa hɛ mi nyami, nyɛ jio, ni kpahi jio.