1 Korintobi 9:16 - BAIBLO ALOO NGMAMI KLƆUKLƆU Ɔ

¹⁶ Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

Somi He Ɔ

¹⁶ Ejakaa ke i jaje sane kpakpa a po hu ɔ, e pee we mi fiami; ejakaa a ngɔ fi ye nɔ kaa ma jaje, ejakaa ke i jaje we sane kpakpa a, kusiɛ ha mi!

1 Korintobi 9:16 ပူးပေါင်းရင်းမြစ်များ

Romabi 1:14

I ngɛ kaa nɔ ko nɛ hɛɛ nihi tsuo hiɔ, Hela bi, kɛ nihi nɛ pi Hela bi ji mɛ; ní leli kɛ, kuasiahi tsuo i hɛɛ mɛ hiɔ.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Luka 9:62

Se Yesu de lɛ ke, “Nɔ nɛ kɛ e nine pɛtɛɛ na kpakplaa he, nɛ e plɛɛ hyɛɛ e se ɔ, e sɛ Mawu matsɛ yemi ɔ.”

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Romabi 15:17

Lɔ ɔ he ɔ, ma nyɛ ma fĩa ngɛ Kristo Yesu mi kaa i ngɛ Mawu ní tsue.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Romabi 4:2

Ke ní nɛ e tsu nɔ a da kɛ wo lɛ nguɔ ɔ, lɛɛ jinɛ e ngɛ nɔ́ ko nɛ e maa fĩa ngɔ fɔ nɔ. Se ngɛ Mawu blɔ fa mi ɔ, Abraham be nɔ́ ko kulaa nɛ e ma nyɛ maa fĩa ngɔ fɔ nɔ.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

1 Korintobi 9:14

Jã nɔuu kɛ̃ Nyɔmtsɛ ɔ wo mlaa ke, nihi nɛ fiɛɔ sane kpakpa a, a na a nya mi ngma kɛ je munyu ɔ fiɛmi mi.

2 Korintobi 2:12

Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.