1 Korintobi 9:12 - BAIBLO ALOO NGMAMI KLƆUKLƆU Ɔ

¹² Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

Somi He Ɔ

¹² Jehanɛ hu ke ni kpahi ngɛ kikɛmɛ a he blɔ ngɛ nyɛ nɔ ɔ, anɛ pi wɔ mohu nɛ wa ngɛ pe mɛ po lo? Se kɛ ɔ, wa pee we kikɛmɛ a he blɔ nɛ ɔ he nɔ ko, se mohu wa to wa tsui si ngɛ nɔ tsuaa nɔ mi, konɛ wa ko tsi Kristo Sane Kpakpa a blɔ?

1 Korintobi 9:12 ပူးပေါင်းရင်းမြစ်များ

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

1 Korintobi 9:18

Lɛɛ mɛni hiɔwo sa mi mɔ? Hiɔwo ɔ kɛkɛ ji he blɔ nɛ i na kaa ma fiɛ sane kpakpa a yaka nɛ i he we nɔ́ ko. Jehanɛ hu, he blɔ nɛ i ngɛ kaa ma hyɛ nɔ́ ko blɔ kɛ je nyɛ dɛ mi ngɛ sane kpakpa a nɛ i ngɛ fiɛe ɔ he ɔ, i kɛ jamɛ a he blɔ ɔ tsu we ní.

1 Korintobi 9:15

He blɔ nɛ ɔmɛ ngɛ mohu, se imi lɛɛ i bi we nyɛ nɔ́ ko hyɛ. Womi nɛ i ngɛ nyɛ ngmae nɛ ɔ hu, pi ye juɛmi ji kaa ma kɛ kai nyɛ kaa jehanɛ e sa kaa nyɛ bɔni mi nɔ́ hami. Afani nɛ ma gbo mohu, pe nɛ ma pee nɔ́ ko kaa kikɛ nɛ ɔ, nɛ́ nɔ́ nɛ nɔ nɛ ma da kɛ fĩa a ba bɔ mi!

1 Korintobi 9:2

Ke ni kpahi bui kaa bɔfo ji mi ɔ, i heɔ yeɔ kaa nyɛɛ lɛɛ nyɛ he mi kaa bɔfo; ejakaa ní tsumi nɛ i ngɛ tsue ɔ, nyɛ ji okadi kaa Nyɔmtsɛ ɔ bɔfo ji mi.

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

2 Korintobi 6:3

Wa bɔɔ mɔde kaa wa ko ngɔ nɔ́ ko kɛ tsi nɔ ko blɔ, bɔ nɛ pee nɛ a ko gbe sɔmɔmi ní tsumi nɛ wa hɛɛ mi ɔ he guɛ.

1 Korintobi 6:7

Kaa nyɛ nyɛ nɛ nyɛɛ kɛ nyɛ he ngɛ munyu yee ɔ, lɔ ɔ kɛkɛ tsɔɔ kaa nyɛ je mi bami sɛ́ Kristo se nyɛɛli saasaa. Nyɛ ha nɛ ni kpahi pee nyɛ yayami mohu jinɛ tse e ko hi! Nyɛ ha nɛ ni kpahi sisi nyɛ mohu jinɛ tse e ko hi!

Romabi 15:22

I ka si abɔ kaa ma ba nyɛ ngɔ, se enɛ ɔ he ɔ, i nyɛ we.

Ni Tsumi 18:3

nɛ e kɛ mɛ ya hi si kɛ tsu ní; ejakaa bo tsu peemi ji a ní tsumi.

Luka 11:52

“Nyɛ mlaa tsɔɔli, musu tloo nyɛ! Safe nɛ bliɔ sinya nɛ yaa nile we ɔ, nyɛ ngɔ kɛ to; nyɛ nitsɛmɛ nyɛ yɛ lejɛ ɔ, nɛ nihi nɛ hlaa kaa a maa ya hu nyɛ tsiɔ mɛ blɔ!”

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

Mose I, 24:56

Abraham tsɔlɔ ɔ he nɔ ke, “Nyɛ ko tsi ye nya. Yawɛ ha nɛ ye blɔ ɔ da mi; nyɛɛ wo mi blɔ nɛ ma kpale kɛ ho ye nyɔmtsɛ ɔ ngɔ ya.”

1 Korintobi 9:14

Jã nɔuu kɛ̃ Nyɔmtsɛ ɔ wo mlaa ke, nihi nɛ fiɛɔ sane kpakpa a, a na a nya mi ngma kɛ je munyu ɔ fiɛmi mi.

1 Korintobi 9:16

Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

1 Korintobi 13:7

Suɔmi haa nɔ toɔ tsui si ngɛ nɔ́ tsuaa nɔ́ mi. E haa nɔ heɔ nɔ tsuaa nɔ́ yeɔ; e ngɔɔ e hɛ ngɔ fɔɔ Mawu nɔ, nɛ e miaa e hɛ mi ngɛ níhi tsuo mi.

2 Korintobi 2:12

Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.