1 Korintobi 9:11 - BAIBLO ALOO NGMAMI KLƆUKLƆU Ɔ

¹¹ Ke wa ba du mumi mi níhi ngɛ nyɛ tsui mi ɔ, anɛ e ji nɔ́ ko nɛ he wa tsɔ kaa wɔ hu wa na he lo ɔ hiami níhi kɛ je nyɛ dɛ lo?

Somi He Ɔ

¹¹ Ke wɔɔ lɛɛ wa duɔ mumi mi nihi haa nyɛ ɔ, anɛ e ji nɔ ko tsɔ kaa wa ma kpa he lo mi nihi lo?

1 Korintobi 9:11 ပူးပေါင်းရင်းမြစ်များ

Romabi 15:27

Mɛ nitsɛmɛ lɛ a to kaa a maa pee enɛ ɔ lɛɛ, se anɔkuale mi ɔ, a blɔ nya ní tsumi ji kaa a ye bua mɛ. Mumi mi nike ní nɛ Mawu ha Yuda bi ɔmɛ ɔ, a kɛ ma je li ɔmɛ nɛ dla; enɛ ɔ he ɔ, e sa kaa ma je li ɔmɛ hu, he lo mi ní kpakpahi nɛ Mawu ke mɛ ɔ, a kɛ eko nɛ sɔmɔ Yuda bi ɔmɛ.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

2 Korintobi 11:15

Lɔ ɔ he ɔ, ke Satan tsɔli tsake a he pee kaa Mawu nɛ peeɔ kpakpa a tsɔli ɔ, nɔ́ nɛ ɔ be nyakpɛ kulaa. A nyagbe ɔ maa ba ha mɛ bɔ nɛ sa mɛ kaa yiwutsotsɛmɛ.

Mateo 10:10

Jehanɛ hu, nyɛ ko hɛɛ ní balɔ kotoku, loo hiɔwe tade enyɔ, loo tokota, loo dɛma tso tete; apaatsɛ ɔ, e nya ngma sa lɛ.

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

1 Korintobi 9:14

Jã nɔuu kɛ̃ Nyɔmtsɛ ɔ wo mlaa ke, nihi nɛ fiɛɔ sane kpakpa a, a na a nya mi ngma kɛ je munyu ɔ fiɛmi mi.

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.