1 Korintobi 9:1 - BAIBLO ALOO NGMAMI KLƆUKLƆU Ɔ

¹ Anɛ i be ye dɛ he lo? Anɛ pi bɔfo ji mi lo? Anɛ i nɛ Yesu, wa Nyɔmtsɛ ɔ lo? Nɛ nyɛ nɛɛ? Ní nɛ i tsu ha Nyɔmtsɛ ɔ, anɛ pi nyɛ ji nɔ́ nɛ je mi kɛ ba lo?

Somi He Ɔ

¹ Anɛ i hɛɛ we ye he lo? Anɛ pi bɔfo ji mi lo? Anɛ i nɛ Yesu Kristo, wa Nyɔmtsɛ ɔ lo? Pi ye nine nya ni tsumi ji nyɛ ngɛ Nyɔmtsɛ ɔ mi lo?

1 Korintobi 9:1 ပူးပေါင်းရင်းမြစ်များ

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Ni Tsumi 14:4

Ma a mi bi ɔmɛ a mi gba enyɔ; ni fa ngɛ Yuda bi ɔmɛ a se, nɛ fa hu ngɛ bɔfo ɔmɛ a se.

Ni Tsumi 23:11

Jamɛ a nyɔ ɔ mi ɔ, Nyɔmtsɛ ɔ ba da Paulo kasa nya, nɛ e de lɛ ke, “Koo ye gbeye. Bɔ nɛ o ye ye he odase ngɛ Yerusalem nɛ ɔ, ja o ya ye odase jã nɔuu ngɛ Roma hulɔ.”

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Ni Tsumi 9:17

Lɔ ɔ he ɔ, Anania pue nɔ kɛ ho we mi he nɛ Saulo ngɛ ɔ ya. E kɛ e nine ya pue e nɔ, nɛ e de lɛ ke, “Ye nyɛmi Saulo, Nyɔmtsɛ ɔ tsɔ mi o ngɔ. Lɛ ji Yesu nɛ je e he kpo tsɔɔ mo benɛ o ma ngɛ blɔ ɔ nɔ ɔ nɛ. E tsɔ mi, konɛ ma ba ha nɛ o hyɛ nɔ́ ekohu, nɛ́ o na Mumi Klɔuklɔu ɔ.”

Ni Tsumi 9:3

Benɛ Saulo nyɛɛ blɔ ɔ nɔ kɛ yaa, nɛ e su Damasko haa a, tlukaa a, la ko kpɛ kɛ je hiɔwe kɛ ba bɔle lɛ.

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 11:13

Ma je li, jehanɛ i kɛ nyɛ maa tu munyu. Be abɔ nɛ i ngɛ ní tsue kaa bɔfo ngɛ nyɛ kpɛti ɔ, ma tsu kɛ gɛjɛmi.

1 Korintobi 1:1

Imi Paulo, nɛ Mawu suɔmi nya a, e tsɛ mi nɛ ma ba pee Yesu Kristo bɔfo ɔ, i kɛ wa nyɛmi Sostene lɛ wa ngma womi nɛ ɔ.

1 Korintobi 10:29

Ee, nɔ ɔ he nile nɛ i ngɛ tsɔɔe ɔ nɛ; pi nyɛ nitsɛmɛ nyɛ he nile. Nɔ ko ma bi ke, “He blɔ nɛ i ngɛ kaa i peeɔ nɔ́ tsuaa nɔ́ nɛ i suɔ ɔ, mɛni he je nɔ kpa he nile maa tsɔɔ mi bɔ nɛ imi ma plɛ kɛ tsu jamɛ a he blɔ ɔ he ní ha?

1 Korintobi 10:30

Ke i nyɛ gbaa niye ní nɔ nɛ i ye ɔ, mɛni he je nɔ ko tuɔ ye he munyu yaya ngɛ niye ní nɛ i na Mawu si ngɛ he ɔ he?”

1 Korintobi 11:16

Se ke nɔ ko susuɔ kaa nɔ́ nɛ i de ngɛ nɔ́ nɛ ɔ he ɔ be mi ɔ, nɔ́ nɛ ma de kɛkɛ ji kaa i kɛ Mawu asafo ɔ, wɔɔ lɛɛ wa be jami blɔ nya tomi kpa ko ngɛ enɛ ɔ se.

1 Korintobi 3:6

Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

1 Korintobi 9:19

I ngɛ ye dɛ he; pi nɔ ko nyɔguɛ ji mi. Se kɛ̃ ɔ, i pee ye he nihi tsuo a nyɔguɛ, bɔ nɛ pee nɛ ye nine nɛ su nihi babauu a nɔ.

2 Korintobi 10:7

Nyɛ juɛmi mi kuɔ we kulaa! Anɛ nɔ ko ngɛ hiɛ ɔ nɛ heɔ e he yeɔ kaa Kristo nɔ́ ji lɛ lo? Saminya! Jamɛ a nɔ ɔ nɛ susu e yi mi ekohu; ejakaa wɔ hu Kristo níhi ji wɔ kaa lɛ nɔuu.

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 1:1

Imi bɔfo Paulo, kɛ nyɛmimɛ ɔmɛ kulaa nɛ kɛ mi ngɛ ɔ ngma womi nɛ ɔ ya ha Galatia asafo ɔmɛ. Pi nɔmlɔ nɛ pee mi bɔfo, nɛ pi adesa hu nɔ nɛ a gu kɛ hla mi ke ma ba pee bɔfo, se mohu Yesu Kristo, kɛ Tsɛ Mawu nɛ tle lɛ si kɛ je gbeje ɔ a nɔ i gu kɛ na blɔ nya nɛ ɔ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

1 Tesalonikabi 2:6

Wa bɛ, konɛ nimli ba wo wa hɛ mi nyami, nyɛ jio, ni kpahi jio.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

2 Timoteo 1:11

Mawu pee mi bɔfo kɛ tsɔɔlɔ, konɛ ma fiɛ sane kpakpa a,