1 Korintobi 8:9 - BAIBLO ALOO NGMAMI KLƆUKLƆU Ɔ

⁹ Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

Somi He Ɔ

⁹ Nyɛɛ hyɛ nɛ hi konɛ nyɛ he blɔ nɛ ɔ ko ba plɛ kpangmi ha nihi nɛ gbɔjɔ ɔmɛ.

1 Korintobi 8:9 ပူးပေါင်းရင်းမြစ်များ

Yesaya 35:3

Ninehi nɛ pɔ tɔ mɛ ɔ, nyɛɛ wo mɛ he wami; nɛ nakutsohi nɛ gbɔjɔ ɔ, nyɛ ha nɛ a da si kpɛii.

Yesaya 57:14

Yawɛ ke, “Nyɛ ha ye ma a nɛ kpale kɛ ba ye ngɔ. Nyɛ je blɔ tsimi nɔ́ tsuaa nɔ́ kɛ je a blɔ mi! Nyɛɛ je gbɛjegbɛ saminyayoo ha mɛ!

Ezekiel 14:3

“Nɔmlɔ adesa, ni nɛmɛ nɛ ngɔ a hɛ ngɔ fɔ amagahi a nɔ kɛ a tsui tsuo, nɛ lɔ ɔ he ɔ, yayami pɛ a peeɔ ɔ, anɛ a susuɔ kaa ma ha a ba bi ní ngɛ ye ngɔ lo?

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Mose III, 19:14

Koo gbiɛ tue kpokutsɛ, nɛ koo fɔ hɛ yuyuilɔ blɔ mi tso. Ye o Mawu ɔ gbeye. Imi ji Yawɛ.

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

1 Korintobi 10:24

Nɔ ko nɔ ko nɛ kó hla kaa e hi ha lɛ nɔ kake too; nɔ tsuaa nɔ nɛ susu e nyɛmi hu he.

1 Korintobi 10:28

Se ke nɔ ko de nyɛ ke, “Niye ní nɛ ɔ, a kɛ sã bɔ ha amaga” a, lɔ ɔ lɛɛ nyɛ ko ye. Pi nyɛ nitsɛmɛ, loo nyɛ he nile he je nɛ i ngɛ nyɛ enɛ ɔ dee, se nɔ kpa a nɛ de nyɛ lo ɔ he sane ɔ, lɛ mohu e he nile he je.

1 Korintobi 10:29

Ee, nɔ ɔ he nile nɛ i ngɛ tsɔɔe ɔ nɛ; pi nyɛ nitsɛmɛ nyɛ he nile. Nɔ ko ma bi ke, “He blɔ nɛ i ngɛ kaa i peeɔ nɔ́ tsuaa nɔ́ nɛ i suɔ ɔ, mɛni he je nɔ kpa he nile maa tsɔɔ mi bɔ nɛ imi ma plɛ kɛ tsu jamɛ a he blɔ ɔ he ní ha?

1 Korintobi 10:32

Nyɛ ko pee nɔ́ ko nɛ sɛ kɛ si Yuda no ko, loo ma je no ko, loo Mawu we asafo ɔ.

1 Korintobi 8:10

Waa ngɔ lɛ kaa nɔ ko nɛ e he nile deɔ lɛ ke e sɛ kaa a yeɔ ní ngɛ amaga jami he ɔ na mo “ní lelɔ” nɛ o ngɛ ní yee ngɛ lejɛ ɔ. Anɛ enɛ ɔ be lɛ he wami woe nɛ lɛ hu e ya ye ní nɛ a kɛ ha amagahi lo?

1 Korintobi 8:12

Ke o pee o nyɛmi yayami kaa kikɛ nɛ ɔ, Kristo nɛ o pee yayami kɛ si ɔ nɛ. Ejakaa mo lɛ o wo o nyɛmi ɔ he wami nɛ e kɛ pee nɔ́ ko nɛ e le kaa e sɛ nɛ e peeɔ.

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

2 Korintobi 11:21

E peeɔ mi zo kaa ma de ke wɔɔ lɛɛ fɔ̃li ji wɔ, nɛ wa nyɛ we nɛ waa pee nɔ́ ko kaa jã! Jehanɛ lɛɛ i ngɛ munyu tue kaa kuasia! Níhi nɛ ni kpa amɛ ngɛ fĩae ngɛ he ɔ, imi hu ma fĩa ngɛ he jã nɔuu.

2 Korintobi 11:29

Ke nɔ ko mumi gbo, kɛkɛ imi hu ye nɔ́ ɔ gbo; ke nɔ ko nane kpata, kɛkɛ ye mi mi sã mi ha lɛ.

2 Korintobi 6:3

Wa bɔɔ mɔde kaa wa ko ngɔ nɔ́ ko kɛ tsi nɔ ko blɔ, bɔ nɛ pee nɛ a ko gbe sɔmɔmi ní tsumi nɛ wa hɛɛ mi ɔ he guɛ.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

2 Petro 2:19

A woɔ mɛ si ke a maa ye a he, be mi nɛ mɛ nitsɛmɛ a pee a he nyɔguɛhi kɛ ha níhi nɛ puɛɔ nɔ. Ejakaa nɔ́ tsuaa nɔ́ nɛ yeɔ nɔ ko nɔ ɔ, nɔ ɔ peeɔ nyɔguɛ ha jamɛ a nɔ́ ɔ.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.