1 Korintobi 8:7 - BAIBLO ALOO NGMAMI KLƆUKLƆU Ɔ

⁷ Se pi nɔ tsuaa nɔ nɛ le anɔkuale nɛ ɔ. Kɛ ba si mwɔnɛ ɔ, ni komɛ susuɔ kaa amagahi ngɛ wami mi; a susuɔ kaa ke a ha amagahi ní ɔ, mawuhi nɛ a ha ní ɔ nɛ. Enɛ ɔ he je ɔ, ke a ye kikɛmɛ a ní ɔ, a he nile haoɔ mɛ, ejakaa a susuɔ kaa niye ní ɔ ma ble mɛ.

Somi He Ɔ

⁷ Se kɛ ɔ pi nihi tsuo a mi nɛ kikɛmɛ a ni lemi nɛ ɔ ngɛ. Ni komɛ ngɛ kɛ ba su mwɔnɛ nɛ a kɛ wɔhi a nɔ hemi kɛ yemi yeɔ wɔhi a nya bɔ sami niyeni, nɛ akɛnɛ a he ni lemi gbɔjɔ he je ɔ, a bleɔ lɛ.

1 Korintobi 8:7 ပူးပေါင်းရင်းမြစ်များ

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

1 Korintobi 10:25

Lo tsuaa lo nɛ a ngɛ juae ɔ, nyɛ ma nyɛ ye faa; enɛ ɔ peemi kó hao nyɛ he nile.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.