1 Korintobi 8:5 - BAIBLO ALOO NGMAMI KLƆUKLƆU Ɔ

⁵ Ni komɛ deɔ ke ní komɛ ngɛ hiɔwe, kɛ zugba a nɔ nɛ a tsɛɛ mɛ “mawuhi.” Yoo, ke “mawu” nɛ ɔmɛ kɛ “nyɔmtsɛmɛ” nɛ ɔmɛ pɔ he tete po,

Somi He Ɔ

⁵ Ejakaa ke ni komɛ ngɛ nɛ a tsɛɛ mɛ “mawuhi” ɔ, hiɔwe a ngɛ jio, zugba a nɔ a ngɛ jio, kaa bɔ nɛ “mawuhi” pɔ he nɛ “nyɔmtsɛmɛ” hu pɔ he ɔ,

1 Korintobi 8:5 ပူးပေါင်းရင်းမြစ်များ

Yeremia 11:13

Bɔ nɛ Yuda ma amɛ hiɛ ɔ, jã kɛ̃ a mawu ɔmɛ hu hiɛ. Bɔ sami la tɛhi nɛ Yerusalem bi ɔmɛ ma, nɛ a sãã tsopa kɛ e he via ngɛ a nɔ kɛ haa yakayaka mawu ɔ nɛ a tsɛɛ Baal ɔ, jamɛ a bɔ sami la tɛ ɔmɛ a he hiɛ babauu kaa gbɛjegbɛhi nɛ ngɛ ma a mi ɔ kɛ̃.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Mateo 27:17

Lɔ ɔ he ɔ, benɛ ma kpekpemi ɔ ba bua a he nya a, Pilato bi mɛ ke, “Mɛnɔ he nyɛ suɔ nɛ ma ngmɛɛ ha nyɛ, Baraba, loo Yesu nɛ a tsɛɛ lɛ Kristo ɔ?”

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.