1 Korintobi 8:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Somi He Ɔ

⁴ Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

1 Korintobi 8:4 ပူးပေါင်းရင်းမြစ်များ

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Yesaya 41:24

Nyɛɛ hyɛ, nyɛ pi nɔ́ ko nɔ́ ko kulaa, nɛ nyɛ ní tsumi hu nɔ ko bui fɛɛ; nihi nɛ jaa nyɛ ɔ, nimli guhi ji mɛ; a ngɛ kaa nyɛ kɛ̃.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 45:5

“Imi ji Yawɛ; ye se ɔ, mawu kpa ko be hu. O li mi lɛɛ, se he wami nɛ hia mo ɔ, i ngɔ ha mo.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Marko 12:29

Yesu he nɔ ke, “Kekleekle nɔ́ ji, ‘Israel, bu tue! Nyɔmtsɛ wa Mawu ɔ, lɛ nɔ kake pɛ ji Nyɔmtsɛ.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Korintobi 8:10

Waa ngɔ lɛ kaa nɔ ko nɛ e he nile deɔ lɛ ke e sɛ kaa a yeɔ ní ngɛ amaga jami he ɔ na mo “ní lelɔ” nɛ o ngɛ ní yee ngɛ lejɛ ɔ. Anɛ enɛ ɔ be lɛ he wami woe nɛ lɛ hu e ya ye ní nɛ a kɛ ha amagahi lo?

1 Korintobi 8:11

Kɛkɛ ɔ, o “nile” ɔ he ɔ, nɔmlɔ nɛ gbɔjɔ nɛ ɔ, nɛ ji o nyɛmi nɛ Kristo ba gbo ngɛ lɛ hu e he ɔ hɛ mi ma kpata.

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Efesobi 4:6

Mawu kake lɛ ngɛ; lɛ ji adesahi tsuo a tsɛ. E tsuɔ ní kɛ guu adesahi tsuo a nɔ, nɛ e ngɛ adesahi tsuo a mi.

Mose V, 3:24

‘Nyɔmtsɛ Yawɛ lee, i le kaa ní nguanguahi, kɛ nyakpɛ níhi nɛ o maa pee ɔ a sisije kɛkɛ ji nɛ ɔ nɛ; ejakaa mawu ko mawu ko be hiɔwe, loo zugba a nɔ nɛ ma nyɛ ní nguanguahi nɛ o tsu nɛ ɔ ma tsu!

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Mose V, 4:35

Nyɛɛ lɛɛ Yawɛ ha nyɛ na ní nɛ ɔmɛ kɛ tsɔɔ nyɛ kaa Yawɛ ɔ, lɛ nɔ kake pɛ ji Mawu; nɛ nɔ ko nɔ ko be hu, ja lɛ pɛ.

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.