1 Korintobi 8:3 - BAIBLO ALOO NGMAMI KLƆUKLƆU Ɔ

³ Se nɔmlɔ nɛ suɔ Mawu ɔ, Mawu le lɛ.

Somi He Ɔ

³ Se ke nɔ ko suɔ Mawu ɔ, lɛ Mawu le.

1 Korintobi 8:3 ပူးပေါင်းရင်းမြစ်များ

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

Mose II, 33:12

Mose de Yawɛ ke, “Mo kai kaa o de mi ke ma kpaka ma a kɛ ho, se o tsɔɔ we mi nɔ nɛ o maa tsɔ kɛ piɛ ye he. Mo nɔuu nɛ o de ke o le mi saminya, nɛ o bua jɔ ye he.

Mose II, 33:17

Yawɛ de Mose ke, “Nɔ́ nɛ o bi nɛ ɔ hu ma pee ha mo; ejakaa i le mo saminya, nɛ i ngɛ o he bua jɔmi.”

Yeremia 1:5

“Loko i puɛ mo kɛ wo muklii mi ɔ, jamɛ a be ɔ mi ɔ, i le mo momo. Benɛ a na we nɛ a fɔ mo ɔ, jamɛ a be ɔ mi ɔ, i hla mo ngɔ to momo nɛ́ o ba gba kɛ tsɔɔ je ma amɛ.”

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Nahum 1:7

Yawɛ mi mi hi; e ngɛ kaa mɔ nɛ he wa ha nihi nɛ ngɛ haomi mi; nɛ nihi nɛ ba saa we ngɛ e ngɔ ɔ, e baa a yi.

Mateo 7:23

Kɛkɛ ɔ, imi hu ma de mɛ ke, ‘I li nyɛ! Nyɛɛ je ye nɔ, nyɛ nihi nɛ nyɛ peeɔ níhi nɛ dɛ blɔ!’

Yohane 10:14

Imi ji to hyɛlɔ kpakpa a nɛ. Tsɛ ɔ le mi, nɛ imi hu i le lɛ; nɛ jã nɔuu i le ye to ɔmɛ, nɛ ye to ɔmɛ hu le mi. Nɛ i suɔ hu kaa ma gbo ngɛ a he.

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

1 Korintobi 2:9

Se, kaa bɔ nɛ a ngma a, “Nɔ́ nɛ hɛngmɛ nɛ́ hyɛ, Nɔ́ nɛ tue nui hyɛ, Nɔ́ nɛ adesa ko juɛmi sui he ɔ, Lɔ ɔ nɔuu Mawu dla ngɔ to nihi nɛ suɔ lɛ.”

Galatabi 4:9

Se jehanɛ nɛ nyɛ ba le Mawu, aloo ke ma de ɔ, Mawu mohu le nyɛ ɔ, mɛni he je nɛ nyɛɛ kɛ mumihi nɛ be he wami ko, nɛ a ní ngɛ mɔbɔ kikɛ nɛ ɔ, ekohu ɔ? Kɛ pee kɛɛ nɛ nyɛ ma ha nɛ a kpale ye nyɛ nyɔguɛ ɔ?

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

1 Yohane 4:7

Ye nyɛmimɛ nɛ i suɔ! Nyɛ ha waa suɔ wa sibi, ejakaa suɔmi ɔ, Mawu ngɔ nɛ e je. Nɔ tsuaa nɔ nɛ suɔ nɔmlɔ ɔ, Mawu bi ji lɛ, nɛ e le Mawu.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 2:19

I le ní nɛ o tsuɔ; i le o suɔmi, o hemi kɛ yemi, bɔ nɛ o sɔmɔɔ, kɛ bɔ nɛ o toɔ o tsui si ngɛ nɔ́ nami mi. I le kaa o ngɛ ní tsue amlɔ nɛ ɔ kulaa pe kekle ɔ po.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!