1 Korintobi 8:12 - BAIBLO ALOO NGMAMI KLƆUKLƆU Ɔ

¹² Ke o pee o nyɛmi yayami kaa kikɛ nɛ ɔ, Kristo nɛ o pee yayami kɛ si ɔ nɛ. Ejakaa mo lɛ o wo o nyɛmi ɔ he wami nɛ e kɛ pee nɔ́ ko nɛ e le kaa e sɛ nɛ e peeɔ.

Somi He Ɔ

¹² Se ke nyɛ peɔ nyɛmimɛ ɔmɛ yayami kikɛ, nɛ nyɛɛ kɛ plaa a he ni lemi nɛ he wɛ ɔ, lɔ ɔ lɛɛ Kristo nyɛ ngɛ yayami ɔ pee kɛ ngɛ sie ɔ nɛ.

1 Korintobi 8:12 ပူးပေါင်းရင်းမြစ်များ

Mateo 18:6

“Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’

1 Korintobi 12:12

Nɔmlɔ tso ɔ, nɔ kake, se e he níhi hiɛ babauu, nɛ e he ní nɛ ɔmɛ tsuo lɛ peeɔ nɔmlɔ tso kake ɔ nɛ. Kikɛ nɛ ɔ Kristo hu ngɛ.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 18:21

Kɛkɛ nɛ Petro ba Yesu ngɔ, nɛ e ba bi lɛ ke, “Nyɔmtsɛ, si enyɛmɛ ke ye nyɛmi tɔ ye nɔ nɛ ma kɛ pa lɛ? Si kpaago lo?”

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Mose I, 42:22

Ruben de mɛ ke, “Tse i de nyɛ ke nyɛ ko pee jokuɛ ɔ yayami ko nɛ nyɛ bui mi tue; e gbenɔ ɔ he tue gblami nɛ wa ngɛ nae nɛ ɔ nɛ.”

Mose I, 20:9

Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ.

Marko 9:42

“Nɔ tsuaa nɔ nɛ ma ha jokuɛ tsɔwi nɛ ɔmɛ a ti nɔ kake maa pee yayami ɔ, afani nɛ a kɛ teji wɛ muɔ e kuɛ, nɛ a ya sake lɛ fɔ wo mi.

Luka 17:2

Afani nɛ a kɛ teji wɛ muɔ e kuɛ, nɛ a ya sake lɛ ngɔ fɔ wo mi pe nɛ e ma ha nɛ bimɛ tsɔwi nɛ ɔmɛ a ti nɔ kake maa pee yayami.

Romabi 14:20

Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.