1 Korintobi 7:5 - BAIBLO ALOO NGMAMI KLƆUKLƆU Ɔ

⁵ Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

Somi He Ɔ

⁵ Nyɛ ko kua nyumu kɛ yo buami ja nyɛ ni enyɔ ɔ tsuo nyɛ kplɛɛ kaa nyɛ maa pee ja, kɛ ya su be ko, konɛ nyɛ na deka nɛ nyɛɛ sɔle; nɛ lɔ ɔ se ɔ nyɛɛ pee kake ekohu, konɛ Satan ko tsɔ nyɛ nya ngɛ nyɛ he nɔ nɛ nyɛ nyɛ we nɛ nyɛɛ ye ɔ he.

1 Korintobi 7:5 ပူးပေါင်းရင်းမြစ်များ

Mose II, 19:15

E de ma a ke, “Nyɛ dla nyɛ he ha hiɛmɛ nɛ ɔ ligbi nɛ ji etɛ ɔ; nɔ ko nɔ ko kó ta yo he.”

Yoel 2:16

Nyɛ bua ma a nya; nyɛ ha nɛ a ba pee kpe klɔuklɔu. Nyɛɛ kpee nikɔtɔma amɛ kɛ ba; nyɛ bua jokuɛwi kɛ bimwɔwi ɔmɛ tsuo a nya. Ayɛflo kɛ e huno po, a je kpo ngɛ a tsu mi kɛ ba.

Mateo 19:11

Yesu he nɔ ke, “Tsɔɔmi nɛ ɔ, nihi nɛ Mawu ngɔ ha a, mɛ pɛ a he e kɔɔ; pi nɔ tsuaa nɔ.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Zakaria 7:3

Jehanɛ, á bi osɔfo ɔmɛ, kɛ gbali ɔmɛ munyu ke, “Jeha babauu nɛ be ɔ, kɔmɔ nɛ wa yeɔ nɛ wa haa hwɔ nyɔhiɔ enuɔne ɔ, anɛ waa ya nɔ waa hi pee kpamisa lo?”

Mose II, 21:10

Ke e binyumu nɛ ɔ ya ngɔ yo kpa kɛ piɛ nɔ kaketsɛ ɔ he ɔ, e ha kekle yo ɔ e tsu nya yo blɔ nya nɔ́ tsuaa nɔ́ pɛpɛɛpɛ; eko nɛ ko je nɔ. E he bo, e nya mi ngma, kɛ e yogbayo blɔ nya nɛ ko bɔ lɛ.

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.

Mateo 17:21

Se mumi nɛ ɔ, ja sɔlemi, kɛ ngma himi pɛ a kɛ ma nyɛ hia.]