1 Korintobi 7:36 - BAIBLO ALOO NGMAMI KLƆUKLƆU Ɔ

³⁶ Nɔ́ nɛ kɔɔ nyumu, kɛ e yo nɛ e bi si, se e ngɔɛ lɛ lolo ɔ a he ji nɛ ɔ nɛ. Ke nyumu ɔ na kaa e pee we yo ɔ saminya, nɛ lɛ nitsɛ hu e nyɛ we e he nɔ nɛ e hyɛ ɔ, e ngɔ yo ɔ kaa bɔ nɛ e ngɛ hlae ɔ. Yayami ko be enɛ ɔ mi. Ee, a sɛ gba si himi mi.

Somi He Ɔ

³⁶ Ke nɔ ko susu kaa e bi yo nɛ nɔ zangma a, e ko wa tsɔ loko e gba, nɛ lɔ ɔ he ɔ e sa nɛ a pee he nɔ́ ko ɔ, e pee bɔ nɛ e suɔ; e pee we yayami ko ke e ya gba.

1 Korintobi 7:36 ပူးပေါင်းရင်းမြစ်များ

1 Korintobi 7:37

Se ke nɔ ko muɔ e yi mi kpɔ ke e be yo ngɔe, nɛ pi kaa a nyɛ e nɔ ɔ, ke e nyɛ hyɛ e he nɔ saminya, nɛ lɛ nitsɛ e to e yi mi kaa nɔ́ nɛ e maa pee ji nɛ ɔ, lɔ ɔ lɛɛ e hi kaa e ko ngɔ yo ɔ.

1 Korintobi 7:9

Se ke nyɛ nyɛ́ we nyɛ he nɔ nyɛɛ ye ɔ, e hia kaa nyɛɛ sɛ gba si himi mi. Ejakaa lɔ ɔ hi pe nɔ́ nɛ akɔnɔ ma ba hao nyɛ.

Samuel I, 2:33

Se kɛ̃, ma ha o nina ko yi ma na wami, nɛ e ma sɔmɔ mi kaa osɔfo. Lɛɛ e hɛ ma yu nɛ e maa hao, se ni nɛmɛ nɛ piɛ ɔ lɛɛ a kɛ klaate maa gbe mɛ tsuo.

Mateo 1:18

Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

Mateo 5:40

Ke nɔ ko ya sama mo ngɛ o hiɔwe tade he ɔ, ha nɛ e ngɔ o tade klɔii ɔ hulɔ.

1 Korintobi 7:35

Nyɛ nitsɛmɛ nyɛ kpakpa he nɛ i ngɛ nyɛ enɛ ɔ dee, se pi kaa i ngɛ hlae nɛ ma tsi nyɛ nya ngɛ blɔ ko nɔ. Niinɛ, i suɔ kaa nyɛɛ ba nyɛ je mi saminya. I suɔ kaa nyɛɛ ngɔ nyɛ he tsuo ngɔ wo Nyɔmtsɛ ɔ ní tsumi ɔ mi nɛ nyɛ ko ya se.

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.