1 Korintobi 7:34 - BAIBLO ALOO NGMAMI KLƆUKLƆU Ɔ

³⁴ Ke e ba mi jã a, e juɛmi peeɔ lɛ enyɔɔnyɔ. Yo nɛ be huno, aloo yiheyo kɛ e he haa Nyɔmtsɛ ɔ ní tsumi, ejakaa e suɔ kaa e ngɔ e nɔmlɔ tso ɔ, kɛ e mumi tsuo ha Nyɔmtsɛ ɔ. Yogbayo lɛɛ e haoɔ e he ngɛ je ɔ mi níhi a he, ejakaa e suɔ kaa e sa e huno hɛ mi.

Somi He Ɔ

³⁴ Eslo yogbayo, nɛ jehanɛ hu eslo zangmayo. Nɔ nɛ gba we ɔ kɛ e he tsuo haa Nyɔmtsɛ ɔ ni tsumi ɔ, konɛ e pee klɔuklɔu ngɛ nɔmlɔ tso kɛ mumi tsuo blɔfami. Se nɔ nɛ gba a haoɔ e he ngɛ je nɛ ɔ mi nihi a he, benɛ pee nɛ e sane nɛ sa e huno hɛ mi.

1 Korintobi 7:34 ပူးပေါင်းရင်းမြစ်များ

Yohane 10:13

Apaa yelɔ ɔ tuɔ fo, ejakaa apaa yelɔ kɛkɛ ji lɛ, nɛ to ɔmɛ a he nɔ dɔɛ lɛ.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

1 Korintobi 7:33

Nɔ nɛ ngɛ yo ɔ lɛɛ e haoɔ e he ngɛ je nɛ ɔ mi níhi a he, ejakaa e bɔɔ mɔde kaa e maa sa e yo ɔ hɛ mi.

1 Korintobi 7:35

Nyɛ nitsɛmɛ nyɛ kpakpa he nɛ i ngɛ nyɛ enɛ ɔ dee, se pi kaa i ngɛ hlae nɛ ma tsi nyɛ nya ngɛ blɔ ko nɔ. Niinɛ, i suɔ kaa nyɛɛ ba nyɛ je mi saminya. I suɔ kaa nyɛɛ ngɔ nyɛ he tsuo ngɔ wo Nyɔmtsɛ ɔ ní tsumi ɔ mi nɛ nyɛ ko ya se.

2 Korintobi 11:28

Se enɛ ɔmɛ, kɛ ní kpa komɛ tsuo a se ɔ, asafo ɔmɛ a he susumi ngɛ kaa tlomi ngɛ ye kuɛ nɔ daa ligbi.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

1 Timoteo 3:5

Ejakaa ke nɔ ko nyɛ we nɛ e hyɛ lɛ nitsɛ e we nɔ ɔ, kɛ e maa pee kɛɛ nɛ e ma nyɛ hyɛ Mawu asafo ɔ nɔ.

1 Timoteo 5:5

Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.