1 Korintobi 7:33 - BAIBLO ALOO NGMAMI KLƆUKLƆU Ɔ

³³ Nɔ nɛ ngɛ yo ɔ lɛɛ e haoɔ e he ngɛ je nɛ ɔ mi níhi a he, ejakaa e bɔɔ mɔde kaa e maa sa e yo ɔ hɛ mi.

Somi He Ɔ

³³ Se nɔ nɛ ngɛ yo ɔ, haoɔ e he ngɛ je nɛ ɔ mi nihi a he, bɔ nɛ e maa pee nɛ e sane nɛ sa e yo ɔ hɛ mi.

1 Korintobi 7:33 ပူးပေါင်းရင်းမြစ်များ

1 Petro 3:7

Nyɛ hunomɛ ɔmɛ hu, ke nyɛɛ kɛ nyɛ yi ɔmɛ ngɛ ɔ, nyɛɛ na nya ha mɛ saminya kaa ngɛ nɔmlɔ tso blɔ fa mi ɔ, yo he wɛ tsɔ. Nyɛɛ bu mɛ, ejakaa Mawu ma ha nyɛɛ kɛ mɛ tsuo ma na wami kaa dloomi ní nɛ je lɛ Mawu ɔ ngɔ. Nyɛɛ pee enɛ ɔ, konɛ nɔ́ ko kó tsi nyɛ sɔlemi blɔ.

Kolosebi 3:19

Nyɛ hunomɛ, nyɛɛ suɔ nyɛ yi ɔmɛ, nɛ nyɛ ko wa mɛ yi mi.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

1 Korintobi 7:3

Nyumu nɛ ha e yo nɔ́ nɛ ji yo blɔ nya nɛ sa kaa e na kɛ je e huno dɛ mi; yo ɔ hu nɛ pee jã nɔuu ha e huno.

Luka 12:22

Jehanɛ ɔ, Yesu de e kaseli ɔmɛ ke, “Lɔ ɔ he ɔ, i ngɛ nyɛ dee ke, nyɛ ko ha nɛ nɔ́ nɛ nyɛ maa ye, aloo tade nɛ nyɛ maa wo he susumi nɛ hao nyɛ.

Luka 14:20

Nɔ kpa hu je e nya ke, ‘I kpee yo, nɛ lɔ ɔ he ɔ, i be nyɛe ma ya.’

Yohane 10:13

Apaa yelɔ ɔ tuɔ fo, ejakaa apaa yelɔ kɛkɛ ji lɛ, nɛ to ɔmɛ a he nɔ dɔɛ lɛ.

1 Korintobi 7:32

I suɔ kaa nyɛɛ hi si nɛ nɔ́ ko nɔ́ ko kó hao nyɛ. Nyumu nɛ be yo ɔ ngɔɔ e he ngɔ woɔ Nyɔmtsɛ ɔ ní tsumi ɔ mi, nɛ e bɔɔ mɔde kaa e maa pee Nyɔmtsɛ ɔ suɔmi nya ní.

1 Korintobi 7:34

Ke e ba mi jã a, e juɛmi peeɔ lɛ enyɔɔnyɔ. Yo nɛ be huno, aloo yiheyo kɛ e he haa Nyɔmtsɛ ɔ ní tsumi, ejakaa e suɔ kaa e ngɔ e nɔmlɔ tso ɔ, kɛ e mumi tsuo ha Nyɔmtsɛ ɔ. Yogbayo lɛɛ e haoɔ e he ngɛ je ɔ mi níhi a he, ejakaa e suɔ kaa e sa e huno hɛ mi.