1 Korintobi 7:32 - BAIBLO ALOO NGMAMI KLƆUKLƆU Ɔ

³² I suɔ kaa nyɛɛ hi si nɛ nɔ́ ko nɔ́ ko kó hao nyɛ. Nyumu nɛ be yo ɔ ngɔɔ e he ngɔ woɔ Nyɔmtsɛ ɔ ní tsumi ɔ mi, nɛ e bɔɔ mɔde kaa e maa pee Nyɔmtsɛ ɔ suɔmi nya ní.

Somi He Ɔ

³² Se i suɔ kaa nyɛ ko na haomi. Nɔ nɛ ngɔɛ yo ɔ, e kɛ e he tsuo haa Nyɔmtsɛ ɔ ni tsumi ɔ, bɔ nɛ e maa pee nɛ e sane nɛ sa Nyɔmtsɛ ɔ hɛ mi.

1 Korintobi 7:32 ပူးပေါင်းရင်းမြစ်များ

1 Timoteo 5:5

Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Yohane 10:13

Apaa yelɔ ɔ tuɔ fo, ejakaa apaa yelɔ kɛkɛ ji lɛ, nɛ to ɔmɛ a he nɔ dɔɛ lɛ.

1 Korintobi 7:33

Nɔ nɛ ngɛ yo ɔ lɛɛ e haoɔ e he ngɛ je nɛ ɔ mi níhi a he, ejakaa e bɔɔ mɔde kaa e maa sa e yo ɔ hɛ mi.