1 Korintobi 7:29 - BAIBLO ALOO NGMAMI KLƆUKLƆU Ɔ

²⁹ Nyɛmimɛ, nɔ́ nɛ i ngɛ dee kɛkɛ ji kaa be ɔ pi hu. Kɛ je be nɛ ɔ mi kɛ yaa a, yitsɛmɛ nɛ a hi si kaa nɔ́ nɛ yo be a dɛ.

Somi He Ɔ

²⁹ Mamimɛ, nɔ́ nɛ i ngɛ dee ji kaa, be ɔ pi hu; nɔ́ nɛ piɛ ji kaa, yitsɛmɛ tete a pee kaa ninɛmɛ nɛ be eko;

1 Korintobi 7:29 ပူးပေါင်းရင်းမြစ်များ

1 Yohane 2:17

Je ɔ, kɛ e mi níhi nɛ peeɔ nɔ akɔnɔ ɔ ngɛ bee kɛ yaa. Se nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Fiɛlɔ 6:12

Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

1 Korintobi 7:28

Se ke o ná ngɔ yo ɔ, o pee we yayami. Jã kɛ̃ ke yo nɛ gba we lolo hu gba a, e pee we yayami. Se dengme nɛ ngɛ gba si himi mi he je ɔ, i na nɛ nyɛ je nyɛ hɛ ngɔ fɔ si mohu amlɔ nɛ ɔ.

1 Korintobi 7:30

Ni nɛmɛ nɛ ngɛ ya foe ɔ, a pee kaa ni nɛmɛ nɛ yi kɔmɔ; nihi nɛ ngɛ muɔe ɔ, a pee kaa ni nɛmɛ nɛ be bua jɔmi; nihi nɛ ngɛ ní hee ɔ, a pee kaa nɔ́ nɛ níhi nɛ a he ɔ pi a nɔ́;

Samuel II, 19:34

Se Barzilai de matsɛ ɔ ke, “Dɛbi, be bɔɔ pɛ nɛ piɛ ha mi nɛ ma hi je mi; mɛni he je i kɛ mo maa ya Yerusalem mɔ?

Luka 14:20

Nɔ kpa hu je e nya ke, ‘I kpee yo, nɛ lɔ ɔ he ɔ, i be nyɛe ma ya.’