1 Korintobi 7:2 - BAIBLO ALOO NGMAMI KLƆUKLƆU Ɔ

² Se ajuama bɔmi he ɔ, nyumu tsuaa nyumu nɛ ná lɛ nitsɛ e yo, nɛ yo tsuaa yo nɛ ná lɛ nitsɛ e huno.

Somi He Ɔ

² se ajuama bɔmi he ɔ, nyumu tsuaa nyumu nɛ ngɔ lɛ nitsɛ e yo, nɛ yo tsuaa yo nɛ gba lɛ nitsɛ e huno.

1 Korintobi 7:2 ပူးပေါင်းရင်းမြစ်များ

Abɛ Womi 18:22

Ke o ngɔ yo kɛkɛ o ná nɔ́ kpakpa, nɛ Yawɛ maa gbaa mo.

Abɛ Womi 19:14

We kɛ sika a, tsɛmɛ a dɛ mi nɛ a naa kɛ jeɔ kaa gbosi ní, se yo nɛ le ní ɔ, Yawɛ lɛ haa nɔ.

Malaki 2:14

Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

1 Korintobi 7:1

Jehanɛ, níhi nɛ nyɛ ngma ba ha mi ɔ, nɔ́ nɛ i ngɛ dee ngɛ a he ji nɛ ɔ nɛ. E hi ha nyumu kaa e ko ta yo he.

1 Korintobi 7:3

Nyumu nɛ ha e yo nɔ́ nɛ ji yo blɔ nya nɛ sa kaa e na kɛ je e huno dɛ mi; yo ɔ hu nɛ pee jã nɔuu ha e huno.

1 Korintobi 7:9

Se ke nyɛ nyɛ́ we nyɛ he nɔ nyɛɛ ye ɔ, e hia kaa nyɛɛ sɛ gba si himi mi. Ejakaa lɔ ɔ hi pe nɔ́ nɛ akɔnɔ ma ba hao nyɛ.

Efesobi 5:28

Jã nɔuu kɛ̃, e sa kaa nyumu nɛ suɔ e yo kaa bɔ nɛ e suɔ lɛ nitsɛ e he. Ke nyumu ko suɔ e yo ɔ, ngɛ blɔ ko nɔ ɔ, e suɔ lɛ nitsɛ e he.

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

1 Tesalonikabi 4:4

E sa kaa nyɛ ti nɔ tsuaa nɔ nɛ le bɔ nɛ e maa ye e he nɔ ha nɛ nyɛ he ma tsɔ, nɛ bu maa hi nyɛ he.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

Manyadali 21:22

Ke a tsɛmɛ, loo a nyɛminyumuhi ba nɛ a ba bi wɔ sane ko ɔ, wa ma de mɛ ke, ‘Nyɛɛ na wɔ mɔbɔ, nɛ nyɛɛ ngmɛɛ a he ha wɔ kɛkɛ; ejakaa wa na we yihi kɛ ha a ti nɔ tsuaa nɔ benɛ wa kpata Yabesh Gilead hɛ mi ngɛ ta a mi ɔ. Jehanɛ se hu, akɛnɛ pi nyɛ nitsɛmɛ nɛ nyɛ ngɔ zangmawi ɔmɛ ngɔ ha mɛ he je ɔ, nyɛ yi fɔ.’ ”