1 Korintobi 7:11 - BAIBLO ALOO NGMAMI KLƆUKLƆU Ɔ

¹¹ Se ke e na je gba kɛ̃ ɔ, e hi si jã, nɛ e ko gba, aloo e ya nɛ e kɛ e huno ɔ ya dla. Jehanɛ hu, nyumu ko ngmɛɛ e yo he.

Somi He Ɔ

¹¹ Nɛ ke e je gba tete po ɔ, e hi si ja, nɛ e ko gba, aloo e kɛ e huno ɔ ya dla; nɛ yotsɛ ɔ hu e ko ngmɛɛ e yo he.

1 Korintobi 7:11 ပူးပေါင်းရင်းမြစ်များ

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

Marko 10:12

Yo nɛ kuaa e huno nɛ e ya gbaa nɔ kpa a, e puɛ gba ja nɔuu, ejakaa e pee yayami kɛ si e kekle huno ɔ.”

Marko 10:2

Farisi bi komɛ ba e ngɔ ba hla e yi mi. A bi lɛ ke, “Anɛ wa mlaa a ngmɛɛ blɔ kaa nyumu fieɔ e yo lo?”

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

1 Korintobi 7:10

Nyɛ ni nɛmɛ nɛ nyɛ ngɛ gba si himi mi ɔ, mlaa nɛ Nyɔmtsɛ ɔ ngɛ nyɛ woe ji yo kó je gba! Enɛ ɔ, pi imi nɛ i de.

1 Korintobi 7:12

Nyɛ ni nɛmɛ nɛ piɛ ɔ, nɔ nɛ imi, se pi Kristo, i ngɛ nyɛ dee ji nɛ ɔ nɛ; ke nyumu nɛ le Kristo ngɛ yo nɛ lɛɛ e li Kristo, se kɛ̃ ɔ, yo ɔ kplɛɛ kaa e kɛ lɛ maa hi si ɔ, nyumu ɔ ko ngmɛɛ e he.

Mose V, 22:19

A ma he lɛ sika hiɔ yi lafa, aloo susumi nɔ́ nɛ a tsɛɛ kilo ɔ kake kɛ piɛ he kɛ ha yiheyo ɔ tsɛ ɔ; ejakaa nyumu ɔ wo Israel yomiyo he ní. Jehanɛ hu a ha nɛ e ngɔ yo ɔ; e be he blɔ kaa e fieɔ lɛ kɛ yaa si e ma gbo.