1 Korintobi 7:10 - BAIBLO ALOO NGMAMI KLƆUKLƆU Ɔ

¹⁰ Nyɛ ni nɛmɛ nɛ nyɛ ngɛ gba si himi mi ɔ, mlaa nɛ Nyɔmtsɛ ɔ ngɛ nyɛ woe ji yo kó je gba! Enɛ ɔ, pi imi nɛ i de.

Somi He Ɔ

¹⁰ Ninɛmɛ nɛ sɛ gba si himi mi ɔ, imi, nɛ tsa pi imi tete, se Nyɔmtsɛ ɔ mohu lɛ ngɛ mɛ kita woe ke, yo ko je gba.

1 Korintobi 7:10 ပူးပေါင်းရင်းမြစ်များ

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

1 Korintobi 7:15

Se ke nyumu nɛ li Kristo ɔ suɔ kaa e maa ngmɛɛ e yo nɛ le Kristo ɔ he, aloo yo nɛ li Kristo ɔ suɔ kaa e ma kua e huno nɛ le Kristo ɔ, lɔ ɔ lɛɛ faa. Ke e ba mi jã a, mlaa ko mlaa ko nui nɔ nɛ le Kristo ɔ, nyumu ɔ jio, yo ɔ jio. Mawu tsɛ nyɛ nɛ nyɛɛ hi si ngɛ he jɔmi mi.

Yeremia 3:20

Se kaa bɔ nɛ yogbayo jeɔ e huno se nɛ e kɛ nyumu kpahi ya naa bɔmi ɔ, jã kɛ̃ lɛ mo hu o yi mi anɔkuale. Imi, Yawɛ lɛ i de.”

1 Korintobi 7:12

Nyɛ ni nɛmɛ nɛ piɛ ɔ, nɔ nɛ imi, se pi Kristo, i ngɛ nyɛ dee ji nɛ ɔ nɛ; ke nyumu nɛ le Kristo ngɛ yo nɛ lɛɛ e li Kristo, se kɛ̃ ɔ, yo ɔ kplɛɛ kaa e kɛ lɛ maa hi si ɔ, nyumu ɔ ko ngmɛɛ e he.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

1 Korintobi 7:6

Nɔ́ nɛ i ngɛ dee nɛ ɔ, ga kɛkɛ i ngɛ nyɛ woe; pi mlaa.

1 Korintobi 7:40

Se ke e hi si bɔ nɛ e ngɛ ɔ, a maa gbaa lɛ babauu mohu. Bɔ nɛ ye juɛmi deɔ mi ji nɛ ɔ nɛ, nɛ e peeɔ mi kaa imi hu Mawu mumi ngɛ ye mi.

Marko 10:2

Farisi bi komɛ ba e ngɔ ba hla e yi mi. A bi lɛ ke, “Anɛ wa mlaa a ngmɛɛ blɔ kaa nyumu fieɔ e yo lo?”

1 Korintobi 7:11

Se ke e na je gba kɛ̃ ɔ, e hi si jã, nɛ e ko gba, aloo e ya nɛ e kɛ e huno ɔ ya dla. Jehanɛ hu, nyumu ko ngmɛɛ e yo he.