1 Korintobi 6:9 - BAIBLO ALOO NGMAMI KLƆUKLƆU Ɔ

⁹ Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Somi He Ɔ

⁹ Anɛ nyɛ li kaa yayami peeli a nine be Mawu matsɛ yemi ɔ nɔ sue lo? Nyɛ ko ha nɛ a mlɔɔ nyɛ! Ajuama bɔli loo wɔ jali loo gba puɛli loo nyumuhi nɛ kɛ nyumuhi peɔ yakayakani,

1 Korintobi 6:9 ပူးပေါင်းရင်းမြစ်များ

Mose III, 20:13

Ke nyumu kɛ nyumu na bɔmi kaa nyumu kɛ yo bɔɔ ɔ, mɛ ni enyɔ ɔmɛ tsuo a bɔ musu. Á gbe mɛ; a gbenɔ ɔ sa mɛ nitsɛmɛ.

Mose III, 18:22

Nyumu kɛ nyumu kó na bɔmi kaa yo kɛ nyumu; a hĩɔ.

1 Korintobi 6:10

loo juli, loo hɛ tsuli, loo dã tɔli, loo nihi a biɛ puɛli, loo ojo fiali a nine be Mawu matsɛ yemi ɔ nɔ sue kɔkɔɔkɔ.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

1 Korintobi 5:10

Pi je mi bi yaholi, loo hɛ tsuli, loo juli, loo wɔ jali a he munyu nɛ i ngɛ tue kulaa; kaa mɛ ɔ, jinɛ e ko hia kaa nyɛɛ je je ɔ mi.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Mose V, 22:5

“Yo kó wo nyumu tade, nɛ nyumu hu kó wo yo tade; Yawɛ o Mawu ɔ sume nihi nɛ peeɔ jamɛ a níhi.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”

Mose V, 23:17

“Ke nyɛ ngɛ Mawu jae ɔ, Israel no ko kó pee e he yaholɔ; nyumu jio, yo jio.

Mose I, 19:5

A tsɛ Lot nɛ a bi lɛ ke, “Nyumu ɔmɛ nɛ ba to mo gbɔkuɛ nɛ ɔ, jije a ngɛ? Je mɛ kpo ha wɔ nɛ waa kɛ mɛ nɛ hwɔ!”

Abɛ Womi 22:8

Nɔ nɛ yi dami sane ɔ, nɔ́ nɛ maa ba e nɔ ji amanehlu. Kɛkɛ ɔ, yi mi nɛ e waa nihi ɔ tsuo se maa po.

Yakobo 1:16

Ye nyɛmimɛ nɛ i suɔ, nyɛ ko ha nɛ a sisi nyɛ.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Zakaria 5:3

E ya nɔ nɛ e de mi ke, “Gbiɛmi nɛ maa ba zugba a tsuo nɔ ji nɛ ɔ nɛ. A ngma ngɛ womi ɔ ba fa kake ke, ‘Nɔ tsuaa nɔ nɛ maa ju ɔ, a po lɛ ngɔ fɔ he.’ Nɛ a ngma ngɛ ba fa kake hu ke, ‘Nɔ tsuaa nɔ nɛ kãã lakpa kita a, a po lɛ ngɔ fɔ he.’

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Mose II, 23:1

“Nɔ́ nɛ o nɛ, loo o nui ɔ, ko de. Koo piɛ dikalɔ he kɛ ye lakpa odase.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Mose III, 18:20

O kɛ o nyɛmi e yo kó na nyumu kɛ yo bɔmi nɛ o kó ba ble o he.

Mose V, 22:22

“Ke a nu nyumu ko nɛ e kɛ nɔ kpa e yo ngɛ hwɔe ɔ, á gbe mɛ ni enyɔ ɔmɛ tsuo. Pee jã kɛ je yayami nɛ ɔ kɛ je nyɛ kpɛti.

Abɛ Womi 7:27

Ke o su e we ɔ mi ɔ, lɛɛ blɔ kpiti nɛ a guu kɛ yaa gbeje ɔ, e nɔ lɛ o ngɛ kɛ yaa a nɛ.

Ezekiel 18:11

peeɔ ní nɛ ɔmɛ nɛ e tsɛ pee we hyɛ ɔ, e yeɔ ní nɛ a kɛ sã bɔ ha amaga amɛ ngɛ yo ɔmɛ a nɔ, nɛ e nyɛɛɔ e nyɛmi e yo se nɛ e bleɔ lɛ,

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Ni Tsumi 20:32

“Nyagbe ɔ, i ngɛ nyɛ tue kɛ ngɛ Mawu kɛ e dloomi munyu ɔ dɛ mi woe. Munyu ɔ maa wo nyɛ he wami, nɛ nyɛ maa da si kpikpitii; nɛ gbaami nɛ Mawu to kɛ ha e we bi ɔ, nyɛ hu nyɛ nine maa su nɔ.

1 Korintobi 5:11

Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

Galatabi 6:7

Nyɛ ko sisi nyɛ he. Mawu ɔ, a yi e he fɛu. Nɔ́ nɛ nɔmlɔ du ɔ, lɔ ɔ nɔuu e ma kpa.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.