1 Korintobi 6:5 - BAIBLO ALOO NGMAMI KLƆUKLƆU Ɔ

⁵ Anɛ juɛmitsɛ kake too be nyɛ kpɛti nɛ ma nyɛ maa hyɛ nyɛmimɛ a kpɛti sane mi ha mɛ lo?

Somi He Ɔ

⁵ Zo gbi nyɛ piɔ? Anɛ ni lelɔ kaketoo po be nyɛ kpɛti, nɔ nɛ ma nyɛ e nyɛmimɛ a kpɛti munyu nɛ e tu lo?

1 Korintobi 6:5 ပူးပေါင်းရင်းမြစ်များ

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

1 Korintobi 11:14

Hyɛ, anɛ adebɔ nitsɛ tsɔɔ we nyɛ kaa ke nyumu fia e yi kusuu ɔ, e ngɛ zo lo?

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

1 Korintobi 4:14

I ngmɛ́ nyɛ ní nɛ ɔmɛ nɛ ma kɛ pue nyɛ hɛ mi si, se mohu nɛ ma kɛ tu munyu kɛ tsɔɔ nyɛ kaa imi nitsɛ ye bimɛ nɛ i suɔ.

1 Korintobi 6:1

Ke nyɛ ti nɔ ko kɛ e nyɛmi asafo mi no na sane ɔ, e be he blɔ nɛ e kɛ sane ɔ ya haa nihi nɛ ja we Mawu nɛ a hyɛ mi ha mɛ. E sa nɛ e kɛ ya ha ni klɔuklɔu ɔmɛ.

1 Korintobi 6:4

Ke sanehi kaa kikɛ nɛ ɔ ba a, nyɛ maa ngɔ ya ha nihi nɛ asafo ɔ kɛ mɛ be nɔ ko peemi nɛ a hyɛ mi lo? Nyɛ ha nɛ ma bi nyɛ munyu nɛ zo nɛ gbe nyɛ.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.