1 Korintobi 6:3 - BAIBLO ALOO NGMAMI KLƆUKLƆU Ɔ

³ Tse nyɛ le kaa nyɛ lɛ nyɛ maa kojo hiɔwe bɔfo ɔmɛ! Nɛ daa ligbi munyu tsɔwitsɔwi ɔ lɛɛ nyɛ be nyɛe maa kojo?

Somi He Ɔ

³ Anɛ nyɛ li kaa wa maa kojo hiɔwe bɔfohi tete po hluu nɛ e ba slɔ je nɛ ɔ mi munyuhi?

1 Korintobi 6:3 ပူးပေါင်းရင်းမြစ်များ

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

Daniel 7:22

Pee se ɔ, nɔ nɛ ngɛ daa a ba, nɛ e ba wo Hiɔwe No ɔ we ni klɔuklɔu ɔmɛ nguɔ. Be ba su nɛ Mawu ni klɔuklɔu ɔmɛ a nine ba su matsɛ yemi ɔ nɔ.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

1 Korintobi 6:15

Anɛ nyɛ li kaa nyɛ nɔmlɔ tso ɔ, Kristo nɔmlɔ tso ɔ he níhi ji mɛ lo? Lɛɛ ma ngɔ Kristo nɔmlɔ tso ɔ he ní komɛ kɛ ya pee yaholɔ hu e nɔmlɔ tso he níhi lo? Dɛbi!

1 Korintobi 6:16

Anɛ nyɛ li kaa nɔ nɛ kɛ yaholɔ ya naa bɔmi ɔ, e kɛ lɛ plɛ pee nɔmlɔ tso kake lo? Kaa bɔ nɛ ngmami ɔ deɔ ɔ, “Mɛ ni enyɔ ɔmɛ tsuo ma plɛ pee nɔmlɔ tso kake.”

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

1 Korintobi 6:4

Ke sanehi kaa kikɛ nɛ ɔ ba a, nyɛ maa ngɔ ya ha nihi nɛ asafo ɔ kɛ mɛ be nɔ ko peemi nɛ a hyɛ mi lo? Nyɛ ha nɛ ma bi nyɛ munyu nɛ zo nɛ gbe nyɛ.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.