1 Korintobi 6:18 - BAIBLO ALOO NGMAMI KLƆUKLƆU Ɔ

¹⁸ Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

Somi He Ɔ

¹⁸ Nyɛɛ tu ajuama bɔmi nya fo! Yayami tsuaa yayami nɛ nɔmlɔ peɔ ɔ, pi e nɔmlɔ tso ɔ mi nɛ e ngɛ; se nɔ nɛ bɔɔ ajuama a, e peɔ yayami siɔ lɛ nitsɛ e nɔmlɔ tso ɔ.

1 Korintobi 6:18 ပူးပေါင်းရင်းမြစ်များ

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

1 Tesalonikabi 4:3

Mawu suɔmi nya ji kaa nyɛ he nɛ tsɔ, nɛ nyɛ ko fiɛ nyumu kɛ yo yakayaka fiɛmi.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Efesobi 5:3

Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

1 Tesalonikabi 4:5

Nyɛ ko di akɔnɔ se kaa bɔ nɛ nihi nɛ li Mawu ɔ peeɔ ɔ.

Romabi 1:24

Lɔ ɔ he ɔ, Mawu ngmɛɛ a he, nɛ a ya nyɛɛ akɔnɔ yaya nɛ ngɛ a tsui nɔ ɔ se; nɛ a kɛ a sibi tsu mu níhi kɛ pue a nɔmlɔ tso ɔ hɛ mi si.

Galatabi 5:19

Ke nɔ ko peeɔ he lo ɔ nya ní ɔ, níhi nɛ jeɔ mi kɛ baa ji nɛ ɔmɛ nɛ: gba puɛmi, mu ní tsumi, yahomi,

Mose III, 15:18

Ke nyumu kɛ yo na bɔmi nɛ nyumu ɔ he nyu be ɔ, mɛ ni enyɔ ɔmɛ tsuo a du a he. A he be tsɔe kɛ yaa si du ma bu.