1 Korintobi 6:15 - BAIBLO ALOO NGMAMI KLƆUKLƆU Ɔ

¹⁵ Anɛ nyɛ li kaa nyɛ nɔmlɔ tso ɔ, Kristo nɔmlɔ tso ɔ he níhi ji mɛ lo? Lɛɛ ma ngɔ Kristo nɔmlɔ tso ɔ he ní komɛ kɛ ya pee yaholɔ hu e nɔmlɔ tso he níhi lo? Dɛbi!

Somi He Ɔ

¹⁵ Anɛ nyɛ li kaa nyɛ nɔmlɔ tso ɔmɛ ɔ Kristo he nihi ji mɛ lo? Lɛɛ ma ngɔ Kristo he ni ɔmɛ ngɔ pee ajuama he nihi lo? Dɛbi!

1 Korintobi 6:15 ပူးပေါင်းရင်းမြစ်များ

Efesobi 5:30

Wa ngɛ kaa Kristo nɔmlɔ tso ɔ he níhi.)

Romabi 12:5

Jã kɛ̃ wɔ nimli babauu nɛ ɔ, wa peeɔ nɔmlɔ tso kake ngɛ Kristo mi, nɛ wa ti nɔ tsuaa nɔ ɔ, e nyɛmimɛ ɔmɛ a nɔ ji lɛ.

Kolosebi 2:19

Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

1 Korintobi 12:27

Nyɛ tsuo pɛpɛɛpɛ ji Kristo nɔmlɔ tso ɔ nɛ, nɛ nyɛ ti nɔ tsuaa nɔ peeɔ Kristo nɔmlɔ tso ɔ he nɔ́ ko.

Efesobi 4:12

E pee enɛ ɔ, nɛ e kɛ dla ni klɔuklɔu ɔmɛ kɛ ngɔ ha sɔmɔmi ní tsumi ɔ, bɔ nɛ pee nɛ asafo ɔ nɛ ngɛ kaa Kristo nɔmlɔ tso ɔ nɛ ya nɔ.

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Efesobi 5:23

Ejakaa huno ɔ ngɛ e yo ɔ nɔ he wami kaa bɔ nɛ Kristo hu ngɛ asafo ɔ nɔ he wami ɔ. Kristo ngɔ e wami ngɔ ha, nɛ e kɛ he asafo ɔ yi wami; ee, asafo ɔ ngɛ kaa Kristo nitsɛ e nɔmlɔ tso.

Luka 20:16

E ma ba kpata jamɛ a apaa yeli ɔmɛ a hɛ mi, nɛ e maa ngɔ wai ngmɔ ɔ kɛ ha ni kpahi.” Benɛ ni ɔmɛ nu munyu nɛ ɔ, a de ke, “Kpaoo, e ko ba mi ja!”

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.

Galatabi 2:17

Waa ngɔ lɛ kaa waa kɛ Yesu ngɛ bɔe, nɛ wa ngɛ mɔde bɔe nɛ a gu lɔ ɔ nɔ nɛ a dla waa kɛ Mawu wa kpɛti. Ke wa ngɛ yayami pee kaa ma je li ɔmɛ nɔuu ɔ, anɛ enɛ ɔ tsɔɔ kaa Kristo náá yayami he bua jɔmi lo? Dɛbi.

1 Korintobi 6:13

Nɔ ko hu ma de ke, “Ngma ngɛ ha muklii, nɛ muklii hu ngɛ ha ngma.” Ee, se Mawu ma kpata nɔ́ enyɔ nɛ ɔmɛ tsuo a hɛ mi. Nɔmlɔ tso ɔ, pi nyumu kɛ yo yakayaka ní peemi nɛ e ngɛ kɛ ha; se mohu e ngɛ ngɛ Nyɔmtsɛ ɔ he. Nɛ Nyɔmtsɛ ɔ hu ngɛ ha nɔmlɔ tso ɔ.

Romabi 7:13

Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Mose I, 44:17

Yosef he nɔ ke, “Dɛbi! I be ja pee kɔkɔɔkɔ! Nɔ nɛ a na kplu ɔ ngɛ e dɛ ɔ, lɛ pɛ ji nɔ nɛ maa pee ye nyɔguɛ ɔ nɛ. Nyɛ ni nɛmɛ nɛ piɛ ɔ, nyɛɛ kpale kɛ ho nyɛ tsɛ ngɔ ya fiafiaafia.”

Romabi 3:6

Dɛbi! Ke Mawu yi dami sane ɔ, kɛ maa pee kɛɛ nɛ e maa kojo je ɔ?

1 Korintobi 6:3

Tse nyɛ le kaa nyɛ lɛ nyɛ maa kojo hiɔwe bɔfo ɔmɛ! Nɛ daa ligbi munyu tsɔwitsɔwi ɔ lɛɛ nyɛ be nyɛe maa kojo?

1 Korintobi 6:17

Ke nɔ ko ngɔ e he ngɔ ha Nyɔmtsɛ ɔ, lɔ ɔ lɛɛ e kɛ lɛ pee kake ngɛ mumi mi.