1 Korintobi 6:13 - BAIBLO ALOO NGMAMI KLƆUKLƆU Ɔ

¹³ Nɔ ko hu ma de ke, “Ngma ngɛ ha muklii, nɛ muklii hu ngɛ ha ngma.” Ee, se Mawu ma kpata nɔ́ enyɔ nɛ ɔmɛ tsuo a hɛ mi. Nɔmlɔ tso ɔ, pi nyumu kɛ yo yakayaka ní peemi nɛ e ngɛ kɛ ha; se mohu e ngɛ ngɛ Nyɔmtsɛ ɔ he. Nɛ Nyɔmtsɛ ɔ hu ngɛ ha nɔmlɔ tso ɔ.

Somi He Ɔ

¹³ Ngma ngɛ ha muklii, nɛ muklii hu ngɛ ha ngma, se Mawu ma ha enyɔ ɔ kulaa se maa po. Nɔmlɔ tso ɔ, pi ajuama bɔmi he nɛ e ngɛ ngɛ, se mohu Nyɔmtsɛ ɔ he e ngɛ ngɛ, nɛ Nyɔmtsɛ ɔ hu ngɛ ha nɔmlc tso ɔ.

1 Korintobi 6:13 ပူးပေါင်းရင်းမြစ်များ

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

Romabi 6:12

Nyɛ ko ha nɛ yayami nɛ ye nyɛ nɔmlɔ tso nɛ gboɔ ɔ nɔ hu. Nyɛ ko di nɔmlɔ tso ɔ we akɔnɔ níhi a se.

1 Korintobi 6:15

Anɛ nyɛ li kaa nyɛ nɔmlɔ tso ɔ, Kristo nɔmlɔ tso ɔ he níhi ji mɛ lo? Lɛɛ ma ngɔ Kristo nɔmlɔ tso ɔ he ní komɛ kɛ ya pee yaholɔ hu e nɔmlɔ tso he níhi lo? Dɛbi!

Efesobi 5:23

Ejakaa huno ɔ ngɛ e yo ɔ nɔ he wami kaa bɔ nɛ Kristo hu ngɛ asafo ɔ nɔ he wami ɔ. Kristo ngɔ e wami ngɔ ha, nɛ e kɛ he asafo ɔ yi wami; ee, asafo ɔ ngɛ kaa Kristo nitsɛ e nɔmlɔ tso.

Mateo 15:17

Anɛ nyɛ li kaa nɔ́ tsuaa nɔ́ nɛ yaa nɔ nya mi ɔ, muklii mi e sɛɛ, nɛ lɔ ɔ se ɔ, e jeɔ kpo lo?

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

Romabi 7:4

Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Yohane 6:49

Nyɛ nɛmɛ ɔmɛ ye mana ngɛ nga a nɔ, nɛ a gbo.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Marko 7:19

ejakaa tsa pi e tsui mi nɛ e sɛɔ, se mohu e muklii mi nɔ́ ɔ yaa, nɛ e ya jeɔ lɛ pueɔ he.” Yesu de enɛ ɔ kɛ tsɔɔ kaa ngma tsuaa ngma he tsɔ.

Mateo 15:20

Enɛ ɔmɛ ji níhi nɛ bleɔ nɔ; se ke nɔ ko fɔ we e dɛ loko e ye ní ɔ, lɔ ɔ ble we nɔ.”

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.