1 Korintobi 6:11 - BAIBLO ALOO NGMAMI KLƆUKLƆU Ɔ

¹¹ Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Somi He Ɔ

¹¹ Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

1 Korintobi 6:11 ပူးပေါင်းရင်းမြစ်များ

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

Ni Tsumi 22:16

Mɛni he je nɛ o ngɛ tsle toe? Tee si nɛ o ha a sɔle mo ngɛ Nyɔmtsɛ ɔ biɛ mi, nɛ o kpa Mawu pɛɛ nɛ e ngɔ o he yayami kɛ pa mo.’

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 8:33

Nihi nɛ Mawu hla a, mɛnɔ maa po a nya? Mawu nitsɛ lɛ woɔ nɔ nguɔ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Galatabi 3:11

Jehanɛ ɔ, e fɔɔ si paa kaa pi mlaa a nɔ nɛ nɔ ko yeɔ ɔ nɛ ma ha a ma dla e kɛ Mawu a kpɛti. Ejakaa ngmami ɔ deɔ ke, “Nɔ nɛ heɔ Mawu yeɔ, nɛ lɔ ɔ he ɔ, a dla e kɛ Mawu a kpɛti ɔ, lɛ pɛ e yi wami a ma he.”

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Galatabi 3:24

Lɔ ɔ he ɔ, mlaa a hɛɛ wɔ kɛ ya su be nɛ Kristo ba nɛ wa he lɛ ye, konɛ a dla waa kɛ Mawu wa kpɛti.

Romabi 5:9

Lɔ ɔ he ɔ, jehanɛ ɔ nɛ a gu Kristo muɔ nɛ pue si ɔ nɔ wo wɔ nguɔ ɔ, a maa gu e nɔ hluu tsɔ kɛ kpɔ wɔ kɛ je Mawu mi mi la a mi.

Romabi 3:24

Se Mawu gu dloomi nɛ e kɛ haa je ɔ yaka a nɔ kɛ wo nihi tsuo nguɔ. E pee enɛ ɔ kɛ gu Kristo Yesu nɛ ha a ye a he ɔ nɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

Abɛ Womi 30:12

Ni komɛ buɔ a he kaa a he tsɔ, be mi nɛ a sɛ mu kpɔtɔɔ.

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yohane 13:10

Yesu he nɔ ke, “Nɔ tsuaa nɔ nɛ du e he ɔ, e he tsɔ kɛ pi si momo; nɛ e hia we kaa e fɔ lɛ nɔmlɔ tso ɔ he pe e nane he pɛ. Nyɛ he tsɔ, se pi nyɛ tsuo.”

Mose III, 8:6

Mose ngɔ Aaron kɛ e binyumu ɔmɛ kɛ ba nɛ e ba du a he ha mɛ.

Yohane 13:8

Petro de lɛ ke, “Dɛbi, ko fɔ ye nane he kɔkɔɔkɔ.” Yesu he nɔ ke, “Ke i fɔ we o nane he ɔ lɛɛ o pi ye kaselɔ hu.”

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

1 Yohane 2:12

Ye bimɛ tsɔwi, i ngɛ nyɛ womi nɛ ɔ ngmae, ejakaa Kristo he ɔ, a ngɔ nyɛ he yayami ɔmɛ ngɔ pa nyɛ.

Mose III, 14:48

Se ke a kɛ zu kpa kã gli ɔ he, nɛ lɔ ɔ se osɔfo ɔ ba hyɛ, nɛ e nɛ nɔ́ ko ngɛ he ɔ, e ha nɛ a le kaa we ɔ he tsɔ; ejakaa a je nɔ́ nɛ fu ja a tsuo kɛ je gli ɔ mi.

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Yohane 5:4

Be komɛ ɔ, Nyɔmtsɛ ɔ bɔfo ma kple si ba klɛ nyu ɔ mi; kɛkɛ ɔ, nɔ tsuaa nɔ nɛ lɛ kekle e ma ya nɔ nyu ɔ mi ɔ, hiɔ tsuaa hiɔ nɛ ngɛ e he ɔ taa amlɔ.]