1 Korintobi 5:2 - BAIBLO ALOO NGMAMI KLƆUKLƆU Ɔ

² Nɛ nyɛ ngɛ nyɛ he nɔ woe ngɔ piɛ he! Niinɛ, e sa kaa nyɛɛ ye kɔmɔ mohu. Nyumu nɛ tsu nɔ́ nɛ ɔ, nyɛɛ fie lɛ kɛ je nyɛ kpɛti.

Somi He Ɔ

² Se nyɛɛ lɛɛ, mɛni he je nyɛ woɔ nyɛ he? Sa nɛ nyɛɛ ye kɔmɔ benɛ pee nɛ a je nɔ nɛ tsu kikɛmɛ a ni nɛ ɔmɛ kɛ je nyɛ kpɛti.

1 Korintobi 5:2 ပူးပေါင်းရင်းမြစ်များ

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Mose IV, 25:6

Benɛ Mose kɛ Israel ma kpekpemi ɔ bua a he nya, nɛ a wo yana ngɛ kpe he bo tsu ɔ sinya a nya a, Israel bi ɔmɛ a kpɛti nyumu ko ya wo Midian yo ko kɛ ba sɛ e bo tsu mi, ngɛ Mose kɛ ma a tsuo a hɛ mi paa.

1 Korintobi 4:18

Nyɛ ti ni komɛ susu kaa i be bae ba slaa nyɛ, nɛ lɔ ɔ he ɔ, a bɔni a he nɔ womi.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.