1 Korintobi 5:12 - BAIBLO ALOO NGMAMI KLƆUKLƆU Ɔ

^12-13 Pi ye ní tsumi ji kaa ma kojo nihi nɛ be asafo ɔ mi; Mawu lɛ maa kojo mɛ. Se ni nɛmɛ nɛ ngɛ asafo ɔ mi ɔ, anɛ e sɛ kaa nyɛ kojoɔ mɛɛ lɛɛ lo? Kaa bɔ nɛ ngmami ɔ deɔ ɔ, “Nyɛ je nɔmlɔ yayami ɔ kɛ je nyɛ kpɛti.”

Somi He Ɔ

¹² Se ninɛmɛ nɛ ngɛ se ɔ, mɛni a kojomi kɔɔ ngɛ ye he? Anɛ pi ninɛmɛ nɛ ngɛ mi ɔ nɛ nyɛ kojoɔ lo?

1 Korintobi 5:12 ပူးပေါင်းရင်းမြစ်များ

Marko 4:11

E de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi; se ni kpa amɛ lɛɛ abɛ gbi mi a deɔ mɛ sane ɔmɛ ngɛ,

Luka 12:14

Se Yesu de lɛ ke, “Maminyumu, mɛnɔ wo mi kojolɔ, loo ní dlalɔ ha nyɛ?”

Yohane 18:36

Yesu he nɔ ke, “Ye matsɛ yemi ɔ, pi je nɛ ɔ mi nɔ́. Kaa je nɛ ɔ mi nɔ́ ɔ, jinɛ ye se nyɛɛli ɔmɛ maa plee ye he, konɛ a ko ngɔ mi ngɔ ha Yuda ma nimeli ɔmɛ. Se enɛ ɔ, ye matsɛ yemi ɔ, pi je nɛ ɔ mi nɔ́.”

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

1 Tesalonikabi 4:12

Ke nyɛ pee jã a, nihi nɛ li Kristo lolo ɔ maa bu nyɛ, nɛ nyɛ be nyɛ he ngɔe kɛ fɔ nɔ ko nɔ.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.