1 Korintobi 4:9 - BAIBLO ALOO NGMAMI KLƆUKLƆU Ɔ

⁹ Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

Somi He Ɔ

⁹ Ejakaa e peɔ mi kaa Mawu ngɔ wɔ nihi nɛ wa ji bɔfo ɔmɛ mohu ngɔ pee se kpɛli, kaa nihi nɛ a gbaa a nɔ ngɔ ha gbenɔ ejakaa a kɛ wɔ pee hyɛmi nihi ha je ɔ kɛ hiɔwe bɔfohi kɛ nimli.

1 Korintobi 4:9 ပူးပေါင်းရင်းမြစ်များ

La 44:22

O he ɔ, a gbeɔ wɔ be tsuaa be; a buɔ wɔ kaa tohi nɛ a yaa gbe.

La 71:7

Mo ji ye wesa he nɛ he wa; enɛ ɔ he je ɔ, i ba pee nɔ hyɛmi nɔ́ kɛ ha nihi babauu.

Yeremia 20:18

Mɛni he je a fɔ mi kulaa? Pe a fɔ mi nɛ ma ba na nɔ́, nɛ ma hao, nɛ zo nɛ gbe mi ye wami ligbi tsuo lo?

Ni Tsumi 19:29

Ma a mi tsuo pee hoo kɛ ngmlaa. Kɛkɛ nɛ basabasa peeli ɔmɛ ya nu Gayo kɛ Aristarko, Makedonia bi nɛ piɛ Paulo he kɛ hia blɔ ɔ, nɛ a tsɛ̃ a yi se kɛ fo kɛ ho he nɛ ma a kpee ngɛ ɔ ya.

Ni Tsumi 19:31

Asia ma ní tsuli komɛ nɛ ji Paulo huɛmɛ tsɔ ba wo lɛ ga ke e ko ka kaa e ma ya je e hɛ mi kpo ngɛ lejɛ ɔ.

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

1 Korintobi 15:19

Ke wami nɛ ɔ mi kɛkɛ he nɛ wa ngɔ wa hɛ ngɔ fɔ Kristo nɔ ngɛ ɔ, lɛɛ wa ní ngɛ mɔbɔ pe nihi tsuo.

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

2 Korintobi 6:9

Wa ngɛ kaa nihi nɛ a li mɛ, se kɛ̃ ɔ, nɔ tsuaa nɔ le wɔ; wa ngɛ kaa nihi nɛ gbo, se kaa bɔ nɛ nyɛ ngɛ hyɛe ɔ, wa hɛ ngɛ. A gblaa wa tue, se wa gbo we.

1 Tesalonikabi 3:3

bɔ nɛ pee nɛ amanehlu nɛ ngɛ bae ɔ ko wo nyɛ ti nɔ ko he gbeye. Nyɛ nitsɛmɛ nyɛ le kaa nɔ́ nɛ Mawu to kɛ ha wɔ ji lɔ ɔ nɛ.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 10:33

Be komɛ ɔ, a jɛɔ nyɛ, nɛ a peeɔ nyɛ nisɛ ní ngɛ ma hɛ mi; nɛ be komɛ hu, a buu nyɛ kɛ piɛɔ nihi nɛ a ngɛ mɛ yi mi wae ɔ a he.

Hebribi 11:36

A ye ni komɛ a he fɛu; a fia ni komɛ kpa, nɛ ni komɛ lɛɛ a bɔ mɛ pã, nɛ a wo mɛ tsu.