1 Korintobi 4:4 - BAIBLO ALOO NGMAMI KLƆUKLƆU Ɔ

⁴ Ye he nile tete bui mi fɔ, se enɛ ɔ tsɔɔ we kaa lɔ ɔ he ɔ, i yeɔ nguɔ. Nyɔmtsɛ ɔ ji nɔ nɛ kojoɔ mi.

Somi He Ɔ

⁴ Ejakaa i li nɔ ko yaya ko ngɛ imi nitsɛ ye he mohu, se kɛ ɔ pi lɔ ɔ he nɛ a maa wo mi nguɔ ngɛ; nɔ nɛ kojoɔ mi ji Nyɔmtsɛ ɔ.

1 Korintobi 4:4 ပူးပေါင်းရင်းမြစ်များ

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Abɛ Womi 21:2

Nɔmlɔ adesa blɔ tsuo da ngɛ lɛ nitsɛ e hɛ mi; se Yawɛ lɛ hyɛɔ nɔ tsui mi.

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Hiob 27:6

Nɔ́ nɛ i ngɛ dee ke i pee we nɔ́ ko nɛ dɛ blɔ ɔ, jamɛ a munyu kake too ɔ i ngɛ tue; ye he nile bui mi fɔ ligbi ko ligbi ko.

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

Ni Tsumi 23:1

Paulo hyɛ kpe ngua a mi bi ɔmɛ tsuo a hɛ mi kɛ kpe, nɛ e de ke, “Ye nyɛmimɛ Israel bi, kɛ ba su mwɔnɛ ligbi nɛ ɔ, i ba ye je mi saminya, nɛ ye he nile bui mi fɔ ngɛ Mawu hɛ mi.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Hiob 15:14

Anɛ nɔmlɔ ko ngɛ nɛ e he tsɔ lo? Nɔmlɔ nɛ yo fɔ lɛ ɔ, anɛ dalɔ ji lɛ ngɛ Mawu hɛ mi lo?

Hiob 9:20

Ke i ke dalɔ ji mi ɔ, imi nitsɛ ye nya mi munyu maa bu mi fɔ. Ke i ke tɔmi ko be ye he ɔ, e maa tsɔɔ mi kaa i yeɔ fɔ.

Romabi 4:2

Ke ní nɛ e tsu nɔ a da kɛ wo lɛ nguɔ ɔ, lɛɛ jinɛ e ngɛ nɔ́ ko nɛ e maa fĩa ngɔ fɔ nɔ. Se ngɛ Mawu blɔ fa mi ɔ, Abraham be nɔ́ ko kulaa nɛ e ma nyɛ maa fĩa ngɔ fɔ nɔ.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

La 26:12

Ma je Yawɛ yi ngɛ ma a tsuo hɛ mi; ejakaa i ye ye he kɛ je amanehluhi tsuo a mi.

Abɛ Womi 29:26

Nihi babauu buɔ kaa a maa sa nɔ yelɔ hɛ mi; se Yawɛ pɛ ji nɔ nɛ yeɔ dami sane ha nɔ.

1 Korintobi 4:3

Imi lɛɛ nɔ́ nɛ nyɛ, aloo ni kpahi susuɔ ngɛ ye he ɔ hɛwi mi; imi nitsɛ po, i kojo we ye he.