1 Korintobi 4:20 - BAIBLO ALOO NGMAMI KLƆUKLƆU Ɔ

²⁰ Ejakaa Mawu matsɛ yemi ɔ jeɔ e he kpo ngɛ adesa ní tsumi mi, se pi munyu tumi mi.

Somi He Ɔ

²⁰ Ejakaa tsa pi munyu mi nɛ Mawu matsɛ yemi ɔ ngɛ, se mohu he wami mi.

1 Korintobi 4:20 ပူးပေါင်းရင်းမြစ်များ

1 Korintobi 2:4

Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

1 Korintobi 1:24

Ee, nihi nɛ Mawu hla a, Yuda bi jio, Hela bi jio, mɛɛ a le kaa Kristo ji Mawu he wami, kɛ e nile.

2 Korintobi 10:8

Nyɔmtsɛ Yesu Kristo ha wɔ he wami ngɛ nyɛ nɔ, pi nɛ wa kɛ kpata nyɛ hɛ mi, se mohu nɛ wa kɛ ye bua nyɛ. Nɛ e ngɛ mi kaa he blɔ nɛ wa hɛɛ nɛ ɔ ha nɛ i fĩa tsɔ mohu, se kɛ̃ enɛ ɔ pee we mi zo.