1 Korintobi 4:19 - BAIBLO ALOO NGMAMI KLƆUKLƆU Ɔ

¹⁹ Ke Nyɔmtsɛ ɔ suɔ ɔ, e be kɛe nɛ ma ba slaa nyɛ. Ke i ba a, pi munyu nɛ kikɛmɛ a he nɔ woli nɛ ɔmɛ ngɛ tue ɔ kɛkɛ nɛ ma ba nu, se he wami nɛ a kɛ ngɛ ní tsue ɔ, ma ba na paa.

Somi He Ɔ

¹⁹ Ke Nyɔmtsɛ ɔ suɔ ɔ, e be kɛe nɛ ma ba nyɛ ngɔ nɛ ma ba na ninɛmɛ nɛ woɔ a he nɔ ɔmɛ a he wami, se pi a munyu.

1 Korintobi 4:19 ပူးပေါင်းရင်းမြစ်များ

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Hebribi 6:3

Ke Mawu suɔ ɔ, wa maa ya wa hɛ mi.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

1 Korintobi 11:34

Se ke hwɔ ngɛ nɔ ko yee ɔ, e ye ní ngɛ we mi lolo, bɔ nɛ pee nɛ nyɛ he nya buami ɔ kó ba pee tue gblami mohu ha nyɛ. Níhi nɛ piɛ ɔ, ke i ba su kɛkɛ ma to blɔ nya.

1 Korintobi 4:18

Nyɛ ti ni komɛ susu kaa i be bae ba slaa nyɛ, nɛ lɔ ɔ he ɔ, a bɔni a he nɔ womi.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Romabi 15:32

Kɛkɛ ɔ, ke Mawu suɔ ɔ, i kɛ bua jɔmi maa ba nyɛ ngɔ nɛ ma ba jɔɔ ye he bɔɔ.

Yakobo 4:15

Nɔ́ nɛ mohu nɛ sa nɛ nyɛ deɔ ji, “Ke Mawu suɔ nɛ wa yi na wami ɔ, wa maa pee enɛ ɔ, loo enɛ.”

1 Korintobi 16:5

Ma ya gu Makedonia loko ma ba nyɛ ngɔ, ejakaa i to ye yi mi kaa ma ya gu lejɛ ɔ.

1 Korintobi 14:5

I ná nɛ nyɛ tsuo nyɛ tuɔ gbi slɔɔtohi, se nɔ́ nɛ i ko suɔ pe kulaa mohu ji kaa nyɛɛ fiɛ Mawu sɛ gbi ɔ. Nɔ nɛ fiɛɔ Mawu sɛ gbi ɔ, e he ngɛ se nami pe nɔ nɛ tuɔ gbi slɔɔtohi; lɛɛ ja nɔ ko ngɛ lejɛ ɔ, nɛ ma nyɛ tsɔɔ nɔ́ nɛ a ngɛ dee ɔ sisi, konɛ asafo ɔ tsuo nɛ na he se.

Ni Tsumi 20:2

E kpa si kɛ gu lejɛ ɔ kpokpa amɛ a nɔ, nɛ e tu munyuhi saminya kɛ wo ni ɔmɛ he wami. Jehanɛ ɔ, e ba su Akaya,

1 Korintobi 4:6

Ye nyɛmimɛ, nyɛ he ɔ, i ngɔ imi, kɛ Apolo ngɔ pee nɔ hyɛmi nɔ́ ha nyɛ, konɛ nyɛɛ kase wɔ, nɛ nyɛ ko je nɔ́ nɛ a ngma a se ya pee nɔ́ kpa ko. Nyɛ ti nɔ ko nɔ ko kó wó e he nɔ; nɔ ko kó bu nɔ ko nɔmlɔ ngua pe nɔ ko.

1 Korintobi 16:7

Enɛ ɔ lɛɛ i sume kaa ma ba na nyɛ kpiti kɛkɛ nɛ ma je. Ke Nyɔmtsɛ ɔ maa ngmɛ blɔ ɔ, i heɔ yeɔ kaa ma kɛ ngɛ nyɛ ngɔ.

2 Korintobi 10:9

I hla we nɛ nihi nɛ susu kaa i ngɛ hlae nɛ ma wo nyɛ he gbeye kɛ womi ɔmɛ nɛ i ngɛ ngmae ɔ.