1 Korintobi 4:17 - BAIBLO ALOO NGMAMI KLƆUKLƆU Ɔ

¹⁷ I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

Somi He Ɔ

¹⁷ Enɛ ɔ he hulɔ nɛ i tsɔ Timoteo nɛ ji ye suɔmi bi kɛ anɔkualetsɛ ngɛ Nyɔmtsɛ ɔ mi ɔ nyɛ ngɔ ɔ nɛ; e ma kae nyɛ bɔ nɛ i baa ye je mi haa ngɛ Kristo mi, kaa bɔ nɛ i tsɔɔ ngɛ asafo tsuaa asafo mi, ngɛ he tsuaa he ɔ.

1 Korintobi 4:17 ပူးပေါင်းရင်းမြစ်များ

Abɛ Womi 13:17

Tsɔlɔ nɛ yi anɔkuale kɛ nɔ woɔ haomi mi. Se tsɔlɔ anɔkualetsɛ lɛɛ tue mi jɔmi e kɛ baa.

Mose IV, 12:7

Ye tsɔlɔ Mose lɛɛ e slo lɛ! Lɛɛ i ngɔ lɛ ngɔ to ye ma Israel tsuo nya.

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Mateo 25:23

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Ni Tsumi 16:1

Paulo ba su Derbe, nɛ e tsa nɔ kɛ ya Listra. Benɛ e su Listra a, e ba na nɔ ko nɛ heɔ Yesu yeɔ ngɛ lejɛ ɔ. A tsɛɛ lɛ Timoteo. E nyɛ ɔ, Yuda yo nɛ heɔ Yesu yeɔ ji lɛ; se e tsɛ lɛɛ Hela no.

1 Korintobi 11:16

Se ke nɔ ko susuɔ kaa nɔ́ nɛ i de ngɛ nɔ́ nɛ ɔ he ɔ be mi ɔ, nɔ́ nɛ ma de kɛkɛ ji kaa i kɛ Mawu asafo ɔ, wɔɔ lɛɛ wa be jami blɔ nya tomi kpa ko ngɛ enɛ ɔ se.

1 Korintobi 11:2

I ngɛ nyɛ yi jee, ejakaa nyɛ kaiɔ ye ní peepee, kɛ níhi nɛ i tsɔɔ nyɛ ɔ daa. Tsɔɔmihi nɛ i na kɛ je nihi a dɛ, nɛ imi hu i ngɔ kɛ ha nyɛ ɔ, nyɛ pɛtɛ he.

1 Korintobi 11:34

Se ke hwɔ ngɛ nɔ ko yee ɔ, e ye ní ngɛ we mi lolo, bɔ nɛ pee nɛ nyɛ he nya buami ɔ kó ba pee tue gblami mohu ha nyɛ. Níhi nɛ piɛ ɔ, ke i ba su kɛkɛ ma to blɔ nya.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

1 Korintobi 16:1

Jehanɛ lɛɛ ma suɔ nɛ ma de nɔ́ ko ngɛ sika nɛ nyɛ to nɛ nyɛ ma tsu kɛ mane ni klɔuklɔu ɔmɛ ngɛ Yerusalem ɔ he. Nɔ́ nɛ i tsɔɔ asafo ɔmɛ nɛ ngɛ Galatia ke a pee ɔ, nyɛ hu nyɛɛ pee jã nɔuu.

1 Korintobi 16:10

Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

1 Korintobi 4:14

I ngmɛ́ nyɛ ní nɛ ɔmɛ nɛ ma kɛ pue nyɛ hɛ mi si, se mohu nɛ ma kɛ tu munyu kɛ tsɔɔ nyɛ kaa imi nitsɛ ye bimɛ nɛ i suɔ.

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.

1 Korintobi 4:2

Nɔ́ nɛ a ngɛ hlae ngɛ tsɔli kaa kikɛ nɛ ɔ a dɛ ji kaa a ye anɔkuale ha a nyɔmtsɛ ɔ.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

2 Korintobi 8:18

Nyɛmi nɛ wa tsɔ piɛ e he ɔ, a buu lɛ saminya ngɛ asafo ɔmɛ tsuo a mi kaa nɔ ko nɛ bɔɔ sane kpakpa a fiɛmi he mɔde.

Efesobi 6:21

Wa nyɛmi Tihiko nɛ wa suɔ lɛ saminya, nɛ e yeɔ Nyɔmtsɛ ɔ anɔkuale ngɛ ní nɛ e ngɛ tsue ha lɛ ɔ mi ɔ ma ba bɔ nyɛ níhi tsuo nɛ kɔɔ ye he, konɛ nyɛɛ le bɔ nɛ i ngɛ, kɛ bɔ nɛ níhi ngɛ yae ha.

Filipibi 2:19

Ke Nyɔmtsɛ ɔ maa suɔ ɔ, e be kɛe kulaa nɛ ma tsɔ Timoteo kɛ ba nyɛ ngɔ. Kɛkɛ ɔ, ke i nu nyɛ he ɔ, ye nɔ gbagba maa te.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Kolosebi 4:9

Onesimo piɛ e he kɛ ma. Lɛ hu wa nyɛmi nɛ wa suɔ saminya, nɛ yeɔ Kristo anɔkuale ji lɛ; nɛ e je nyɛ asafo ɔ mi. A ma ba bɔ nyɛ hiɛmɛ nɛ ɔ amaniɛ tsuo.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

2 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nɛ i suɔ mo saminya. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.