1 Korintobi 4:14 - BAIBLO ALOO NGMAMI KLƆUKLƆU Ɔ

¹⁴ I ngmɛ́ nyɛ ní nɛ ɔmɛ nɛ ma kɛ pue nyɛ hɛ mi si, se mohu nɛ ma kɛ tu munyu kɛ tsɔɔ nyɛ kaa imi nitsɛ ye bimɛ nɛ i suɔ.

Somi He Ɔ

¹⁴ I ngmɛ́ nyɛ enɛ ɔmɛ nɛ ma kɛ gbe nyɛ zo, se mohu i ngɛ munyu tue kɛ ngɛ nyɛ tsɔɔe kaa ye bimɛ nɛ i suɔ.

1 Korintobi 4:14 ပူးပေါင်းရင်းမြစ်များ

Ezekiel 3:21

Se ke o bɔ dalɔ ɔ kɔkɔ ke e ko pee yayami, nɛ e bu mo tue, nɛ e pee we nɔ́ nɛ dɛ ɔ, e yi ma na wami, nɛ mo nitsɛ hu a ma he o yi wami.”

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

1 Korintobi 6:5

Anɛ juɛmitsɛ kake too be nyɛ kpɛti nɛ ma nyɛ maa hyɛ nyɛmimɛ a kpɛti sane mi ha mɛ lo?

1 Korintobi 9:15

He blɔ nɛ ɔmɛ ngɛ mohu, se imi lɛɛ i bi we nyɛ nɔ́ ko hyɛ. Womi nɛ i ngɛ nyɛ ngmae nɛ ɔ hu, pi ye juɛmi ji kaa ma kɛ kai nyɛ kaa jehanɛ e sa kaa nyɛ bɔni mi nɔ́ hami. Afani nɛ ma gbo mohu, pe nɛ ma pee nɔ́ ko kaa kikɛ nɛ ɔ, nɛ́ nɔ́ nɛ nɔ nɛ ma da kɛ fĩa a ba bɔ mi!

2 Korintobi 11:11

Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 7:3

I de we enɛ ɔ nɛ ma kɛ bu nyɛ fɔ. Se kaa bɔ nɛ i de nyɛ momo ɔ, suɔmi nɛ wa ngɛ kɛ ha nyɛ ɔ nya wa bɔ nɛ nɔ́ ko nɔ́ ko be nyɛe ma gba waa kɛ nyɛ wa kpɛti, gbenɔ jio, wami nɛ ɔ mi jio.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

1 Tesalonikabi 2:11

Nyɛ le bɔ nɛ waa kɛ nyɛ ti nɔ tsuaa nɔ hi si kaa tsɛ kɛ e bi.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

Filemon 1:10

I ngɛ mo pɛɛ kpae ngɛ Onesimo nɛ peeɔ ye bi ngɛ Kristo mi ɔ he. Tsu nɛ a wo mi ɔ ha i ba pee e tsɛ.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

3 Yohane 1:4

Nɔ́ nɛ peeɔ mi bua jɔmi pe kulaa ji kaa ma nu kaa ye bimɛ ɔmɛ ngɛ nyɛɛe ngɛ anɔkuale ɔ nya.