1 Korintobi 4:12 - BAIBLO ALOO NGMAMI KLƆUKLƆU Ɔ

¹² Waa kɛ wa nine nguɛ nyɔngma tsuɔ ní. Ke nihi ngɛ wɔ jɛe ɔ, wɔɔ lɛɛ wa gbaa mɛ; ke a ngɛ wɔ yi mi wae ɔ, wa toɔ wa tsui si.

Somi He Ɔ

¹² nɛ wa gboɔ dengme waa kɛ wa ninehi tsuɔ ni; benɛ a ngɛ wɔ jɛe ɔ, wa ngɛ gbaae; benɛ a ngɛ wɔ yi mi wae ɔ, wa toɔ wa tsui si;

1 Korintobi 4:12 ပူးပေါင်းရင်းမြစ်များ

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Luka 6:28

nyɛɛ gbaa nihi nɛ gbiɛɛ nyɛ, nɛ nyɛɛ sɔle ha ni nɛmɛ nɛ waa nyɛ yi mi.

Yohane 15:20

Nyɛ kai kaa i de nyɛ momo ke, ‘Nyɔguɛ pã we e nyɔmtsɛ.’ Nɛ́ a wa mi yi mi ɔ, nyɛɛ lɛɛ kɛ a maa pee nyɛ kɛɛ? Ke a bu mi tue ɔ, nyɛ hu a maa bu nyɛ tue.

Ni Tsumi 18:3

nɛ e kɛ mɛ ya hi si kɛ tsu ní; ejakaa bo tsu peemi ji a ní tsumi.

Ni Tsumi 20:34

Nyɛ nitsɛmɛ nyɛ le kaa nɔ́ tsuaa nɔ́ nɛ hia mi ɔ, ye nine nguɛ nɛ ɔmɛ i kɛ tsu loko i na; ye nyɛmimɛ ɔmɛ a hiami níhi po, imi lɛ i ha mɛ.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Romabi 12:14

Nihi nɛ waa nyɛ yi mi ɔ, nyɛ kpa Mawu pɛɛ ha mɛ; nyɛ ko gbiɛ mɛ.

Romabi 12:20

Kaa bɔ nɛ ngmami ɔ ya nɔ de ɔ, “Ke hwɔ ngɛ o he nyɛlɔ yee ɔ, ha lɛ ní nɛ e ye; nɛ ke kuma ngɛ lɛ yee ɔ, ha lɛ nyu nɛ e nu. Ke o pee jã a, o ma ha zo kpɔtɔɔ maa gbe lɛ.”

Romabi 8:35

Mɛnɔ ma gba wɔ kɛ maa je suɔmi nɛ Kristo ngɛ kɛ ha wɔ ɔ mi? Haomi loo, nɔ nami loo, yi mi wami loo, hwɔ loo, oslã loo, aloo klaate?

1 Korintobi 9:6

Aloo i kɛ Barnaba kɛkɛ nɛ e sa kaa wa tsu ní loko waa ye ní?

2 Korintobi 11:8

Benɛ i ngɛ ní tsue ngɛ nyɛ kpɛti ɔ, asafo kpahi lɛ woɔ mi hiɔ. E ngɛ kaa nɔ́ nɛ i ngɛ mɛ jue, konɛ ma kɛ sɔmɔ nyɛ.

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.

1 Tesalonikabi 2:9

Nyɛmimɛ, nyɛ ma kai bɔ nɛ wa tsu ní kɛ pɔtɔ! Benɛ wa ngɛ Mawu sane kpakpa a fiɛe kɛ ngɛ nyɛ hae ɔ, wa ngɛ ní tsue nyɔ kɛ pia, konɛ wa ko pee tlomi ngɔ ha nyɛ ti nɔ ko.

2 Tesalonikabi 3:8

Wa yi nɔ ko ní yaka nɛ́ wa wui he hiɔ; mohu ɔ, wa tsu ní kɛ pɔtɔ. Wa tsu ní nyɔ kɛ pia, konɛ wa ko pee tlomi ha nyɛ ti nɔ ko.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

1 Petro 3:14

Nɛ ke nyɛ naa amanehlu tete po ngɛ kpakpa nɛ nyɛ peeɔ he ɔ, a gbaa nyɛ pɛ! Nyɛ ko ye nihi nɛ maa pee nyɛ yayami ɔ gbeye, nɛ nyɛ ko hao nyɛ he hulɔ.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

Yuda 1:9

Mawu bɔfo nɔkɔtɔma Mikael tete po pee we enɛ ɔ. Benɛ e kɛ Abosiami pɛ, nɛ e kɛ lɛ sã nya kaa mɛnɔ lɛ sa kaa e ngɔ Mose flɔ̃ ɔ, Mikael jɛ we Abosiami; e yi e he fɛu hulɔ. Nɔ́ nɛ e de lɛ ji, “Nyɔmtsɛ ɔ nɛ ka o hɛ mi!”