1 Korintobi 3:6 - BAIBLO ALOO NGMAMI KLƆUKLƆU Ɔ

⁶ Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

Somi He Ɔ

⁶ Imi lɛɛ i ma; Apolo pue nɔ nyu; se Mawu ha e wa.

1 Korintobi 3:6 ပူးပေါင်းရင်းမြစ်များ

Abɛ Womi 11:25

Nɔ nɛ haa nɔ nɔ́ ɔ, e bɔɔ; nɔ nɛ haa nɛ nihi tɔɔ ɔ, lɛ nitsɛ hu e tɔɔ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 9:1

Anɛ i be ye dɛ he lo? Anɛ pi bɔfo ji mi lo? Anɛ i nɛ Yesu, wa Nyɔmtsɛ ɔ lo? Nɛ nyɛ nɛɛ? Ní nɛ i tsu ha Nyɔmtsɛ ɔ, anɛ pi nyɛ ji nɔ́ nɛ je mi kɛ ba lo?

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Ni Tsumi 19:1

Benɛ Apolo ngɛ Korinto ɔ, Paulo ya kpa ni ɔmɛ a nɔ kɛ ba su Efeso. E ba na nihi nɛ he Yesu ye ɔ a ti ni komɛ ngɛ lejɛ ɔ,

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Ni Tsumi 21:19

Paulo nga mɛ; nɛ bɔ mɛ níhi nɛ Mawu gu e nɔ tsu ngɛ ma je li ɔmɛ a kpɛti ɔ tsuo.

Ni Tsumi 18:24

Jamɛ a be ɔ mi ɔ, Yuda no ko nɛ a tsɛɛ lɛ Apolo, nɛ e se je Aleksandria a ba Efeso. Nyumu nɛ ɔ nya mi tsɔ saminya, nɛ e le ngmami ɔmɛ a mi fitsofitso.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 3:7

Lɔ ɔ he ɔ, nɔ nɛ duɔ tso, kɛ nɔ nɛ pueɔ nɔ nyu ɔ, a he hia we kulaa. Mawu ji nɔ nɛ he hia, ejakaa lɛ nɛ haa nɛ tso ɔ waa.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.