1 Korintobi 3:3 - BAIBLO ALOO NGMAMI KLƆUKLƆU Ɔ

³ Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

Somi He Ɔ

³ ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

1 Korintobi 3:3 ပူးပေါင်းရင်းမြစ်များ

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Romabi 13:13

Nyɛ ha waa ba wa je mi saminya kaa nihi nɛ ngɛ nyɛɛe piani, se pi kaa nihi nɛ ngɛ diblii mi. Wa ko fiɛ fiɛmi yaya; wa ko de dã; wa ko fiɛ nyumu kɛ yo yakayaka fiɛmi; wa ko tsu mu ní; wa ko pɛ, nɛ wa ko je hunga.

1 Korintobi 1:10

Nyɛmimɛ, i ngɛ nyɛ pɛɛ kpae ngɛ Nyɔmtsɛ Yesu Kristo biɛ mi kaa nyɛ tsuo nyɛ nya nɛ pee kake, nɛ mi gbami kó ba nyɛ kpɛti. Nyɛ yi mi, kɛ nyɛ juɛmi nɛ pee kake.

1 Korintobi 1:11

Ye nyɛmimɛ, i ngɛ nyɛ enɛ ɔ dee, ejakaa ni komɛ je Kloe we ɔ mi ba wo ye tue nɔ ke pɛ ngɛ nyɛ kpɛti.

1 Korintobi 11:18

Kekleekle ɔ, i na le kaa ke nyɛ bua nyɛ he nya kaa Kristo asafo ɔ, kɛkɛ nyɛ gba nyɛ mi kɛ wo kuu slɔɔtohi a mi. I heɔ yeɔ kaa anɔkuale ko kɛ̃ ngɛ nɔ́ nɛ i nu nɛ ɔ mi.

1 Korintobi 3:4

Ke nɔ ko ke, “Paulo nɔ ji mi”, nɛ nɔ ko hu ke, “Imi lɛɛ Apolo nɔ ji mi” ɔ, anɛ pi nɔ́ nɛ je mi bi peeɔ nɛ nyɛ ngɛ pee nɛ ɔ?

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yakobo 3:16

He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

1 Petro 4:2

Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.